Nu Sibawi Pakhat Nih Nu Tanglei Ro/Caar Tuk Mi Caah A Ttha Tak Tak Mi Sii Kong A Chim Mi

Nuta A Ro Mi Caah Sii. Hi kong a ka hal mi an tam ngai. Asi tawn ning ahcun- nuta i vampang pawl a pan i a thapthap te hi a piang mi tihang (clear fluid) nih nal tein a umter tawn.

Cu nuta a ngan damnak le duh tawkin aa zam khawhnak ding ca i a tihang chuahter tu hi hormone estrogen a si.

Hi estrogen levels a tlak tikah a cin i a nal khawhnak kha a tum chuk. Hi bantuk a tam bik cu nu thirat a pih hnu le a pih lai te (kum 40 cung) ahhin a tam bik.

A dang a ruang zong tampi an um rih len. Nau inn i a bo mi tete (cyst) a um ruangah nau inn cii bawm (ovary) lak piak mi, nau hlatnak sii a hmang mi, nau hnuk dinh lio caan, cancer treatment a la mi, kuak a zu mi, ti din tlawm tuk mi, lungre a thei tuk mi,a dangdang ruangah estrogen level hi a tla niam ve tawn.

Cutikah nupa sinak tuah tikah a tihang chuah a tlawm,a chuah khawh lo caah a nal kho ti lo i nu zong pa zong a tek i a thak tawn. A dang a ruang pakhat a si kho mi cu nupa sinak tuah hlan ah zitmuai caan (fore play) a tawi tuk ca zong ah a si kho.

Cu bantuk si ahcun zunsip ei a fawite fawn. Hi bantuk cu thlopbulnak lam dang a um lo caah a nalnak sii thuh piak ding a si ko. Hi a nalnak sii nih pum caah harnak (side effect) a pek mi a um lo.

Dr. Pari hi India ram khualipi New Delhi ah chungkhar in khuasa mi an sii, Delhi Lai miphun nih kan ni bochan taktak mi a si. A mah lawng hmanh si lo in a i chung pa Maung Maung zong Delhi um Lai mi nih kan ni bochan taktak mi a si fawn.

Dr. Pari nih zun sip hi zeiruang ah dah kan ngeih? Zeitin dah kan i zohkhenh lai tihmi video a chim nak hi rak zoh ngai hmanh thathnemnak tampi an pek ve hrimhrim lai.

Video link