Nu pakhat nih KFC dawr rianttuantu hmai ah cilchak

Tu kan chan ahcun pa nak hmanh in nu hi khuaruahhar mi an tam deuh cang. Khuaruahhar ti tik ah a sual mi pa nak hmanh in nu sual mi vawleicung ah hin an tam deuh cang ko rua. Hlan lio ahcun ni nih bia tak tein zu an ding timi zawng theih awk le hmuh awk an um bal lo.

Hmanh sehlaw tu kan chan ahcun pa nak hmanh in nu hi a sualmi le zuding mi an tam deuh cang ti u sihlaw kan palh lem lai lo. Singapore ram  Next Soping mall ah nu pakhat nih KFC zuartu a hmai ah cil a chak. Hi bantuk thil cangmi cu April 22.4.2020 ah khan a cang mi asi.

KFC dawr chung CCTV nih record arak tuahning ahcun nu pakhat hnih nih KFC an cawk lio ah khin dawr ngeitu pa nih an duhlo ning in hei chawn hna sehlaw a lo. Mah bak ahcun nupahnih lak ah angki aihre hrukmi nu nih cun KFC zuartu pa cu thang taktak khin a auh hnawh hnu a hmai bak ah cil khat thup in achak mi cu hmuh khawh a si.

Mah bantuk thil cangmi zoh lengmang tik ah thil dang si lo in KFC cawtu hna nu pahnih nih khin mask an ni hruk lo ruangah dawr ngeitu hna nih anrak sik ruangah a cangmi a si timi cu a fiang ngai ngai. Tulio kan boruak ahcun kawh zeika kan umkal nak poah ah mask vuahlo i umkal cu ttihnung taktak a si.

Mah bantuk thil cangmi cu online cung bak ah a video he anrak thlah caah a zohtu mipi an tam kho taktak. Mah bantuk thawngpang online cung arak thangmi cu palik nih anrak theih caah KFC zuartu hmai ah cilchaktu nu pahnih cu an kawl cuahmah hna tiah theih a si. Singapore The Staits Time nih a langhter ning ahcun mah bantuk thil acan hnu tlawmpal ah khin KFC dawr vialte cu covid-19 vennak rungrul sii an kah dih cawlh tiah theih a si.

Video zohnak