North Korea: Kan ram chungah Covid-19 zawtnak a ngei mi pakhat te hmanh kan um lo

Kan vawleicung pumpi ah covid-19 zawtnak a ngei mi 1million renglo an phan cang tiah theih a si. Covid-19 zawtnak a ngeitu ram hna cu World Health Organization nih an langhter ning ahcun ram 200 nak tam deuh ah mah zawtnak hi a phan cang tiah an langhter.

Mah tluk in zawtnaka kar ko nain North Korea nihcun anram chung ah coronavirus a angeimi pakhat te hmanh kan um lo tiah vawleipi theih in an chimphuan. Aluancia mi can tlawmpal lio ah khan North Korea ram hruaitu pakhat cu China ram akal nak in coronavirus arak ngeih caah Pum Kim niha kuttang raalkap pawl cu meithal in thilak arak kahter cang ti cu theih dih cio a si.

North Korea nih an chim ning le anlanghter ning ahcun coronavirus arak I thawkka te ah khan China he anramri vialte cu phihkharnak an rak tuah dih leng ah zawtnak an ngei sual ngha maw tiah anruahmi minung hna cu hmundang teah an chiah cawlh hna. Mah caah cun tuchunni tiang anram chung ah coronavirus a ngei mi anum lo nak a si tiah an chim khawhnak a si.

 

 

 

 

 

 

 

 

 

 

 

Mah bantuk konglam cu North Korea ram ah Health department lei nawl ngeitu lianngan Park Myong Su nihcun mah bantuk thawngpang cu theih a si. North Korea nih hiti hin chim ko hmanh sehlaw hlathlaitu lei nihcun an zum kho hrimhrim lo. Mah lawng hmanh silo in president nihcun North Korea ram coronavirus a umlo tihmi cu a zumh khawh bak lo caah bomh an herh ko ahcun kan bomh hna lai tiah a chim ko nain Kim Joung-un nih a duh lo.

Presdient Trump nih kan bomh lai tiah a timi aiduhter lo nain North Korea nih Russia sin ah coronavirus runven ding ah a herhmi thilri tlamtling 1500 bomh a hal thiam. North Korea ah coronavirus aum lo tihmi cu UN lei zong nih an zum khawh lo caah a runvennak ding thilri le face mask hna cu bomh an timh thiam hna tiah theih a si. Cu bantuk bomhnak pek antimhmi cu North Korea nih cohlannak pakhat hmanh an tuah duh lo.