Nizan Pi Suu Kyi Biachim Mi Cu Uar A Um Kho Tuk Eh!

Atulio kan rampi dirhmun le ramkhel sicanning kong he pehtlai in Daw Aung San Suu Kyi nih ram mizapi duhnak cu zeitikhmanh ah kan ralchanh bal ding asilo tiah nihin September ni 20 ahkhan a chim tiah Khit Thit Media nih a langhter.

Nizan biaceih zung chuah dingin an auh ni ah amah sihni pawl hna leti’n an i hmuhton lioah amah pumpak nih hitihin a chimmi asi.

Social Media cahmai cungah Aung San Suu Kyi nih CRPH le NUG hi a pom in a cohlanmi hna an si lo tiah biachawkvai tampi a lengmi kongah amah Sihni pawl hna nih cu kong cu biahalnak an tuah tikah Aung San Suu Kyi nih ram mipi duhnak cu zeitikhmanh ah kan ralchanh bal ding asilo tiah a chim theih asi.

Thilin peng ah ralhrang rianpek cohlang mi khuabawi tamdeuh rian an ngol: Magway ramthen Thilin peng ah NUG nih D-Day thawngthanh nak a tuah hnu ah ralhrang phu rianpek cohlang mi khuabawi tamdeuh nih rian chuah/ngol nak ca an chiah tiah khuami hna nih an chim.

 

Thilin peng khua 10 leng nih ralhrang rian pek cohlang tu khuabawi hna le khua tlangtla, nawlngei tu hna nih ngandamnak thatlo ruang ah tiah rianngol nak ca an chiah mi cu mipi hna nih theih piak ding in Facebook cungah an tarlangh mi cu hmuh a si tiah khuami pakhat nih a chim.

Thilin peng chung khua cheukhat ah ralhrang phu sin thawngpetu dalan hna le pyusawthi phu hna cu thah an tong tiah theih ruang ah ṭihnak in rianngol nak ca chiah nak in, mah lung fim ten le mipi lei dir kamh duhnak lungthin le khua mi caah ṭhathnemnak phortu an si ah cun lunglawm ten cohlan an si ko.

Cu khuabawi hna cu rian ngol nak ca an chiah na in, cu hlan ah ralhrang phu sin fon in rianṭuan le thawngpe tu dalan ṭuan mi an si caah zumh awk an ṭha dih lo, an sining zoh an hau rih tiah a chim. Thilin peng Agyiwabin(အၾကည္ဝါးဘင္း) khua ah September 15 ni ah ralhrang sin thawngpetu dalan minung 4 meithal kah in thah an tong tiah theih a si. The Chin Post

You cannot copy content of this page