Nizan May 12 Naypyitaw Council Meeting Ah Min Aung Hlaing Nih Remdaihnak Kong Pehtlai In A Chim Mi

Ramkomh Kawl Rampi Kong Ah Ram Dangmi An I Thlak Ahcun Daihnak Kan Hmu Lai Lo tiah Min Aung Hlaing nih a chim.

Hramhram uknak latu Min Aung Hlaing nih ”KNU, KIA le KNPP, EAOs phu hna hi PDF, CRPH he pehtlaihnak an ngeih lawng si loin ramdang he pehtlaihnak an ngeih caah, remdaih tonbiaruahnak ah kai an duh lo hi a si,” tiah a chim.

May be an image of 1 person, standing and indoor

May 12 Naypyitaw Council meetting ah remdaihnak kong he pehtlai in Council upa pawl hiti a chimh hna hi a si. Ramkhel, le ramchung buaibainak kong ah ram dang mi an i tel paoh ahcun zeitik hmanh ah remdaihnak kan hmu lai lo, tiah a chimchap.

“KNU, KIA le KNPP hna cu an hmunram ah ummi ralhrang PDF le CRPH he an i pehtlaihnak kan hmuh khawh, PDF le CRPH cu ram dangmi he pehtlaihnak an ngei fawn. An dihlak in pehtlaihnak an ngeih dih caah remdaih tonbiaruah kan sawmmi hna an cohlan lonak hi a si.

May be an image of 1 person, standing and indoor

Ramkomh Myanmar rampi kong ah ram dangmi an i thlak ahcun daihnak hmuh a har ngaingai lai,” tiah Min Aung Hlaing nih cun a chim. Remdaih tonbiaruahnak he pehtlai in SAC nih, May 9 a donghnak cazin pek ding a ti bantukin NCA min a thumi phu 7 le a thu lomi phu 3, an dihlak 10 an kai lai, tiah theih a si. Crd: The Chin Post

Leave a Reply

Your email address will not be published.