Nikhat ah zu hraikhat lengmang in na din asiah cun kum 90 tiang na nung kho ti asi

Zudin cu atha timi le athalo timi an umpeng ruangah tuni tiang zongah biaalnak dongkholo in a chuak peng. Cheukhat hna nihcun zudin athatnak konglam chim ding antheih tuklio ah cheukhat tu hna nihcun zudin ahcun thin aro tikah ngandamnak hrangah atha hrim hrim lo tiah an rak chim lenve.

Ngandamnak leikap in kan cuanh asiah cun nikhat zu hraifa hraikhat lengmang din piak nak nihcun ngandamnak achuahpi lengah kum 90 tiangin nun khawhnak a chuahpi khawh tiah Unilad thawngzamh nihcun arak tarlangh.

Zeiruang ahdah mahti an chim khawh tiah cun zeidang ruangah siloin Maastricht University Medical Centre um Scientist hna nih hlathlainak anrak tuahmi chirhchan in an chim mi asi. MUMC in scientist hna nih hlathlainak anrak tuahmi ah anhmuh chuahmi cu minung pakhat nih nikhat ah hraikhat lengmang zu adin ahcun kum 90 tiang adam kho ti asi.

Scientist hna nih cun 1916 kum in 1917 karlak chuakmi minung 5000 hna sinah hlathlainak antuah tikah an hmuhchuahmi asi. “1986 anmah kum 60 hrawnghran minung an sicang hnuin mah hlathlainak tuah hram kan thok hi asi. Mah hna chungin cheukhat tarnu tarpa hna nihcun nikhat ah hraifa hraikhat lengmang zu an rak din hna.

Mah bantuk minung hnacu thatein kan zoh hlat peng hna. Mi dang zuding tukmi hna le zu ding baklo tuhna cu kum 90 an sihlanah anthi lengmang hna. Sinain nikhat ah zu hraikhat lengmang adingtu hnacu kum 90 leng tiangin an dam tikha kan hmuh khawh hna” tiah hlathlaitu phu lutlai asimi Dr. Piet A.van den Brandt nihcun a chim.

Nu ekin arak hmangsualtu mah sining athlengtu nu pakhat cu meithal hmangin kah asinak video
LGBT hna hrangah cun khawzei ram hmanh ah thatein um khawhnak le midang nih theihthiam nak zong hmuhkhawh le cohlan khawh asirih lo. A bikin mipi hmanding in chiahmi zunek nak konglam ah hin harnka antong khun tawn.

Naite ah khan tikulh chung ram fate pakhat asimi Puerto Rico ah cun nu ekin arak hmangsualtu LGBT pasinak in nu sinak ah arak ithlengmi nu pakhat cu meithal hmangi kah thah arak si. Alexa tiah theih asimi pasinak in nu sinak ah arak ithlengtu pakhat nihcun restaurant pakhat ah nu ekin chung aluh hnu arak chuah leiah cun motor cungin pa pahnih hna nih anrak hmuhi an nihsawh.

Cubantukin nihsawhnak le thlanglamh nak an pekmi lawngcu zatiloin meithal ichuah riangmangin anrak kah thah tiah theih asi. Mah thilcangmi cu LGBT leiah cawlcangtu Neulisa Luciano Ruiz nihcun palik sinah report nak arak tuah. Mah nu nih achim nakah cun Alexa nihcun in le lo zeihmanh ngeilo hmanhsehlaw amah zong nih ruahchan nak le chunmang angeih ve ko.

Mah bantuk men in thah dingah cun atlak hrim hrim lo tiah arak chim. Cun mah thilcangmi nihcun LGBT hna dihlak athihphaih dih ruangah hin nichiarte ton tawnmi thlanglamh nak cu kham aherh cang tiah arak chim than.