Nigeria Ram Ah Biakinn Pahnih Misual Phu Nih An Luhhnawh, Minung 3 Nunnak Liam!

Nigeria ramchung Northwestern ah a ummi biakinn pahnih cu misual phu nih June 19 ah khan an luhhnawh hna caah aa pummi minung 3 nunnak a liam tiah hmutu le nawlngeitu pakhat nih an chim.

May be an image of 2 people and outdoors

Maranatha Baptist St. Moses Catholic biakinn ah June 19 zinglei ah khan an i pum. Cu lio ahcun misual phu cu an rak phan hna i, biakinn an kharkhumh tiah pawngkam ummi hmutu nih a chim.

Kaduna State ah a ummi khua pali cu timhciam tein an luhhnawhmi a si i, mi cheukhat cu an kalpi hna i, inn zong an hrawk. Misual phu cu an luat tiah hmutu nih an chim.

May be an image of 2 people and outdoors

Nigeria Khrihfa hna nih June 19 ah luhhnawh an tonmi cu an mawhchiat ngaingai hna i, Nigeria ramchung ah a ummi Khrihfa biakinn hna cu misual phu caah target pakhat bantuk a hung si cang tiah an chim.

Kaduna biakinn luhhnawhtu hna hi zeibantuk phu an si i, zeiruangahdah an luhhnawh timi hi theihfian a si rih lo.

May be an image of 2 people and outdoors

Nigeria rammi mipi hna i nunnak hi a himlo ngaingai pinah Kaduna State cu misual tamnak hmun pakhat a si. A liamcia zarhchung ah khan Kajuri hmun ah minung 32 nunnak a liam i, khua pali ah fak taktakin misual phu nih an luhhnawh tiah theih a si. Crd: TCP