Ni Nikhat Bak Ah KNU Nih Ralhrang Sakhan Panga An Lak

Thawng tha: KNU nih ralhrang sakhan -5 bak voi lekhat te ah an lak. Zahan Jul-2 zing suimilam 4:45 ah KNLA le an tuan ti hawi hna nih KNU B-3 hmunhma chung um ralhrang sakhan hna cu voi lekhat ah  an kah ciammam hna i sakhan -5 ning in an lakleng ah ralhrang lei Tatyinhmu thi in meithal zei mawzat le kuan zen hna an fimtawl khawh nak KNU B-3 nih cathanh an chuah.

An lak mi sakhan hna cu Ngaung-Lay-Pin peng chung Cawng-pia sakhan  ၊ Aung- Lawng-Sing sakhan ၊ Cun-Pin- Seih sakhan ၊ Kawh- Pyin sakhan le Cawng-Suh sakhan hna an si.

Sakhan lak dih hnu thiahhlimh  nak ngeih a si lio ah ralhrang nih vanlawng in bomb an thlak than hna i  sakhan thiahhlimh kan hmaban a tang tiah cathanh ah cun an langh ter chih.

SAC nih vanlawng in bomb an thlak ah hin mipi ralzam um nak i thinh in an thlakhnawh hna ca ah Saw Bi Che ti mi le a chungkhar minung (4) an thi.Cun-pin-seih khua um Saw Do Ka Roo kum(70) hrawng asi mi aban le a taang ah hliam a tuar tiah theih a si.

Tu dirhmun ah ralhrang nih khua hna cu hriamngan in an kah leng ah thazaang an chap cuah mah ca ah fakdeuh chin in kahdoh nak chuah dawnh rih a si tiah   KNU lei nih cun an zumh.

Thawng dik asi mi cu thanh nak kan in ngeih hna lai ca ah thawngthanh nak kan tuah mi hna cu zul ding in kan in nawlhna tiah KNU nih cun cathanh an chuah. Crd: LKZ News