Nghakchia Tifin (Chuncaw Dur) Chung Ah Sivai Pin Tak Tak Rul An Hmuh

Rul ttihmi hna caah a min vun chimnak lawng bak khin thling tiang in azatter khawh. A hleicein kan nih laimi kan caah cun rul cu ttih an nung khun, a ruang cu sivai pin tukmi an si caah fawitein thlopbulnak kan ngeih lo caah ttih a nun khunnak cu a si.

Rul hi vawlei cung khua zei ram paoh ah hin an um dih ko nain a hleicein kan laimi an tam taktak nak Australia ram ah khin an hmundang nak in an tam khun tiah theih a si. Australia ram ah cun ruahlo pi ah khin an ekinn chung tiang khin an rak um tawn.

Hiti bantuk i Australia ram ah rul an tam khunnak a ruang pakhat cu an ram a lum tuk caah a daihnak ankawlnak ah ruah baklo nak hmun tiang in an rak umnak a si. Australia ram siangahkchia pakhat chuncawrawl funnak dur chung ah ruahlo tuk mi rul sivai taktakmi cu hringtu nu nih a hmuhnak kong cu BBC thawngzamtu sin ah achim.

Mah rul cu achuakate a sii, nghakchiate chuncawrawl funnak dur ah cun daiziar in a rak i thup. Mah bantuk thil anhmuhle cangka rul tlaih thiam Joly Bazel an tihmi pa cu an auh cawlh i mahpa nih cun a tlaih. Rul tlaih thiampa Joly Bazel nih a chim ning ah cun sivai a pin taktakmi rul a si tiah a chim.

Nghakchiate nih zeihmanh a ei hlan ah tu bantuk in vantthat ah an hmuh manh hi a si. Tu bantuk in rakhmu manh hna hlah sehlaw cu nghakchia caah ttihnung taktak mi thihnak tiang in a chuahter khotu sivai a pin taktakmi rul phunkhat a si tiah rul tlaih thiampa nih cun a chim.

Mah rul cu Australia ram chung tlangsang cung hna ahkhin an um tawn i kum 2000 lio thawk khan an rak hmuh lengmang mi an si. Mah rul cuknak bak in Australia minung 23 bak an nunnak aliam cang tiah theih a si fawn. Rul ttihmi hna caah cun ami cuk khi cu vaum rih seh a muihmuh hrim hrim khi ttih atlai taktak mi an si.