Nay Lin Kyaw he an rak ithitnak kong aphuangtu Zar Zar Htet

Zar Zar Htet cu sexy model sinak he hlawhtlinnak tampi ahum khotu pakhat asi. Zar Zar Htet nihcun aliamcia nitlawmpal hrawngah khan atlangvalpa Nay Lin Kyaw he pehtlaiin alungchung um biacu social media hmangin arak phuan balcang.

 

Zar Zar Htet le Nay Lin Kyaw hnacu kum li leng kum nga dengmang chungcu an rak iduhbal cang nain kan hnung nitlampal arau cangmi ah Nay Lin Kyaw nih Interview an tuahnak ah Zar Zar Htet he an ithen cang nak kongcu arak phuan kha asi.

Mah thongpang atheih tiakah Zar Zar Htet nihcun an pahnih karlakah midang theihpilomi thil tampi aum ruangah hin nan theihlo ahcun rak ka soisel hlah u tiah chimnak nawl rak kape hram u tiah arak tarlangh balve cang.

Tutan zongah hin Zar Zar Htet nihcun Nay Lin Kyaw he an rak ithitumh balcangnak kong vialte cu amah social media cakuang chungah arak tarlangh hi asi. Tu chun ni ah Zar Zar Htet nih amah social media cakuangah arak tarlanghmi cu “SLNK is my husband.

We’re already married last three years ago. I can’t give answer anybody & interview” tiah aliamciami kum thum lioah an rak ithitumhnak kong le mah konglam he pehtlaiin biahalnak lehnak ding angeihlonak konglam hna cu atial.

Nay Lin Kyaw cu tu kum Myanmar Idol season 4 hlasak zuamnak ah aitel vemi hlasak thiam mipakhat a si. Hmanh sehlaw zumnak kan tihmi cu atla mi umphung a si bantuk in Nay Lin Kyaw cu Myanmar Idol zuamnak in arak tla mi a si.