“Na duh tik caan le na duhnak hmun ithim” tiah Aung La Nsang a zuamcawhtu Netherland fighter

February 7 lioah Indonesia ram Jakarta khuapi chungah tuahmi MMA One Championship ah cun Netherland fighter Reiner de Ridder nihcun Brazil fighter leandro Ataides cu arak tei. Mah puaiah teinak a hmutu nihcun Middle Weight Champion sui taisawm cu cuh khawhnak angei lai.

Mah cuka puai ah cun Netherland fighter Reine de Ridder nih teinak arak hmuh ruangah Aung La Nsang zuamcawh khawhnak a tinco. Ridder nihcun mah puai adih bakin ring chungin Aung La Nsang cu na ready cang maw tiah zuamcawh nak arak tuah.

“Aung La na ready cang maw? Na duh tik ni, na duhtik can le na duhnak hmun ithim. Mah bantuk ithim dingin nangcu na tlak ko. Sinain sui taisawm cu thiangtein rak thenh peng ko. La dingin karak ra cang” tiah Aung La cu arak zuamcawh hi asi. Aung La Nsang zong nih teinak acotu Ridder cu amah facebook ca hmai cungin athangthat pinah a rauh hlante ah thonghnak hri chungah kan itong dingin a duhnak konglam in arak leh ve.

Kum 29 minung Reine de Ridder cu a sanlei pe 6 le lehmah 4 tiangin asangmi asii a rihzan ningcu pound 185 asi. Aung La Nsang rihnak cu pound 205 tiang a phan tiah theih asi. Ridder nihcun MMA puai 12 arak ithongh nak chungin avoi 12 ningtein teinak acotu asi. mah ruangah hin Aung La Nsang hrangah a harbik puai asilai tiah ruahdamh cio asi.

Kum 34 tiang asicangmi Aung La Nsang cu MMA puai 26 arak ithongh mi chungah puai 10 tiang arak sung nain a hnulei athonghnak ah cun puai 7 tiang pehtlaitein teinak aco khotu asive. Khawzei ah dah an ithongh telai timi belte cu One Championship nih thanhnak atuah rihlo. Netherland fighter Reiner de Ridder nih Brazil fighter leandro Ataides cu a tei. Aung La Nsang cu a tei lai ka zum kho bak lo.