Khah kawlram Mino Caah Thinphan Ngai A Si Canghih Mino Pawl Cu SAC Ralkap Nih An Tleih Duahmah Cang.Khah kawlram mipi a bik in Mino pawl kan i ralrin taktak a herh canghih.
Aruangcu SAC ralhrang nih a luancia Kum 2010 i an fehter mi phunghram an ser mi, a tuah a tak in tuah hram an thawk cang, mah phunghram an ser mi hi Min Aung Hlaing te nih serchom mi le hna thlakpi mi si lo in cu hlan General Than Shwe nih, a rak hna tlakpi i sign tiang in a rak thut mi phunghram a si.
February 10/2024 ah mipi sin ah thawngthanh nak a tuah i kawlram Mino vialte ralkap luh dih dingin a ti hna.Tuzing February 12/2024 ah Sagiang ram lam lei i khualtlawng a kal mi, mipi hna cu SAC ralhrang nih pakhat tete an Check hna hnu ah Kum 18 a tling cang mi Mino nu he pa he an dih lak minung 40 hrawng cu an tleih cang tiah thawngpang theih a si.
Hi ruangah kawlram mino a bik in chin miphun Mino hna nan tlawnlen, khuan chung lei nan vahveih tik ah bia tak tein nan rak i ralrin ngai ngai a hau canghih. Ralkap nih an in tleih sual ah cun na duh maw duh lo maw ralkap ah an in lutter khawh mi a si caah rak i ralrin u.hi thawnghi mipi zong nih share in kan bawm u kawl Ram um kan mipi caah a biapi tuk mi a si.
Mah phunghram cu tu lio SAC ralhrang an thazang a der tuk cang caah mah phunghram cu hman dingin February 10/2024 hrawngah mipi theih ah official ten kawlram chungah thawngthanh nak a tuah.
Hi an phunghram ning an zulh a si ah cun a pum tlamtling ko mi le a ngandam ko mi Mino cu a hohmanh an luat lai lo ti si. Kawlram pi huap in ralkap a lutding mi Kum ri an khiahmi hna cu Mino dihlak Kum 18 cungin kum 35 kar lak an si lai. Nu asiahcun kum 18 in kum 27 karlak a si lai.
Pawcawmnak lei le fimthiamnak a ngei deuh mi an si ah cun kum 18 in kum 45 karlak an si lai i, nu asiahcun kum 18 in kum 35 tiah an tuan lai ti si. Cu nu Pasal he ai tthen mi or Pasal le nih a thih tak mi fa he um mi an si ah cun an fa le zohkhen tu caah an luat kho . Asinain fa ngei bak lo mi a si cun a Kum nih a tlinh ko a si ah cun ralkap a lut ve lai ti si.
Hi an phunghram a zul duh lo mi Mino cu dantat an si lai a tlawm bik Kum 2 thingthlak khawh an si. Mah hi an phunghram i bia an khiah mi a si. Ralkap tuan caan kha kum 2 a si i, rampi i emargency pakhat khat buainak hna a ton sual si cun kum 5 tiang ralkap tuan chap ter khawh a si.
Hi phunghram an ser mi ah a luat kho ding cu Biak nak lei ah, tahchun nak ah Pastor ti ban tuk cun kawl biaknak lei ah phungki ti ban tuk , cun sitama hman awk tlak lo mi, ngandam nak lei ah, a ngandam lo mi, minung pawl cu ralkap in an luat kho ti si.
A ngandam mi a pum tlamtling mi phunghram ningin Kum a tling mi cu a ho hmanh an luat lai lo na duh maw duh lo maw SAC ralhrang ralkap ah na luh a hauh lai caah duh thim ding kawlram um Mino nih kan ngei.
Mah cu zei dah a si tiah cun. Pakhat nak ASC ralhrang mipi a that tawn tu ralkap luh maw nai thim lai?Pahnih nak tutan dohthlen nak a tuah tu mipi ralkap sin tuah dah na luh lai ?Mah duh thimnak pa 2 lawng tu lio kawlram Mino nih ka ngei khah duh rak i thim.
Tahchun nak ah chin miphun na si ah cun SAC ralhrang mipi that tawn tu sin luh na duh lo cun a tlai hlan ah chin miphun ralkap CNA/F sin deuh ah dah na luh lai mah kha ngmah ten bia khiah nak nai tuah khawh.Pathian tu nih kawlram um chin kan Mino hna in um pi ko hna seh.
Note: Zangfah nak tein My Chinland Page Hi Follow in rak kan bawm ve. Aruang cu News le video ti ban tuk Kan van post tawn lai caah, na duh mi hna an um cun na rak hmuh khawh cawlh ve tawn lai. Kan i lawm tuk by My Chinland Page.