Mumal Ngeilo/Ningcang Rianttuan Thiamlo Chinram Cozah Or Thantlang Cozah Nawlngeitu Hna

Chinram chung i Thantlang khuapi chung rianttuantu chungin a tutan nan tuah mi cu Laimi kan hmunh chung cu mah nan thawng hi a dai ti lai lo,nan tuanbia nih Chin miphun chungah faakpi in rian a ttuan cang,Chunglei cengngia leng lei Tuphaw aihruk mi nan sinak kha nanmah te nih nan langhtercang.

Ziah tuzing suimilam 3:30am i kan naunu a ruak nan phumnak hmun in laak nan sian ding ko ah Pathian ni ah khan a chungkhar hna nih lungdiriam tein a ruak an zuun le muai khawh dingin nan sianh ko hna lo?Chin miphun cung i nan lungput hi a hme bik in a ngan bik tiang nan ikhat dih,Chin miphun chungah kan ngaihchiatnak hmuh hi a nuam nan ti mi phun pakhat ah nan chjiah peng ko rih maw?

Chin mi vialte kan ngaih a chiatnak cu nan hmuh cang i nan i lung si ko lo maw?nan paw hna a khim deuh maw/ nan mitkuhy hna a thaw deuh lai cu! Chin mi hi a nung mi Pathian a bia mi le Pathian mithmai a zoh mi miphun dahkaw kan si,kan hrumainak a theitu le Israel mi Izip ram in a chuah kho tu hna,Pathian kha Chin miphun kan Pathian a si hi nan thei awk ah ka duh ngaingai,a tu hi nan caan a si.

Nan itinh zungzal mi,Chin miphun lungfahnak tuah le ngaihchiatter cu nan saduhthah cu pei a sifawm cu,mah hi nan tuah tikah nan tuah ding hrimhrim nan i cawnpiaknak cu pei a sifawm cu aw!! Mah nan tuah mi thil ttha lo hi Chin miphun dihlak kan lung fimnak ah caang selaw miphun le ram zawtnak kutza kan itlaihnak tu ah caanghram koseh.

Hruaitu nih cun Mu le mal,ning le cang i rianttuan thiam khawhnak lam kha nan theih i nan cawn chin a hau i nan ttuannak hmun le hma nih an nun phun kha zeidah a si ti mi kha nan cawn i nan theih a herh,mah hi nan tuah mi thil kongah,Chin mino hna thinlung nan khuai dihcang:

Khah ka miphun Chin mino hna tho usihlaw sathan cang usih,Chin mi nih kan nunphung,Nuhrin Covo kan ngeih mi cu Pathian bochannak in laak i tm cang hna usih,a tu hi kan lung fiim a herh i,kan ttantti hna a herh lio caan a si,Party party ti i karlak buai caan a si lo,Chin mi lungrual caan a si.

Kai lawm

By.Tin Duh Thang