Moe Aung Yin case cu ni 180 chungah biachah piaknak tuah asilai

Moe Aung Yin cu ting 100 hmangin bail chuah asi. A nungak hlun nihcun Moe Aung Yin cu nuva sinak hmanpi duh ah hlengtu tiin arak puh tikah pohmah 417 hmangin tazacuainak arak tuah. Mah Moe Aung Yin case cu ni 180 chungah biachahnak tuahpiak asilai tiah theih asi.

Moe Aung Yin cu December 7 ah tuahmi biaceihnak zongah arak phan tiah theih asi. Moe Aung Yin case konglam he pehtlaiin Yankin biaceih zungah thawngthanhtu nih cun atanglei bantukin arak chim. “Tuni biaceihnak ah cun sualnak konglam zohfelnak kongah hmurtonh (meeting)nak kan rak ngei.

A fiangtukmi case asi tiah cohlan asi tikah cun tuhnu ni 180 chungah cun chekhlat dih asicang lai. mah case hlathlai (biaceih) thok ding nicu January 29, 2020 ah asilai i, a dongh ding ni tu cu April 22, 2020 asi lai tiah biachah asi” tiah media hna nih interview an tuahnak bia hna cu arak leh hna.

Moe Aung Yin cu a nungak hlun nih Yankin biaceih zung ah nuva sinak hmanpi nak dingah hlengtu asi tiah arak puh hnuah tazacuainak arak tuah hi asi. Nuva sinak hmanpi duh ah mihlengtu tiah puhmi Moe Aung Yin nihcun December 3 lioah an rak tuahmi biaceih ni ah khan ting 100 hmangin bail chuah arak si.

Mone Aung Yin nihcun a nungaknu he an ithen cang tiah online media ah interview atuahnak ah arak chim hnuah mah bantukin tazacuai aton hi asi. Moe Aung Yin case hmangin hin thong kum thum asiloah phaisa maw asiloh a pahnih hna zongin dantatnak pek khawh asi.