Mizoram Second Covid-19 A Chuak Tthan Caah Mizoram Mipi Lungrethei In An Um Dih Tthan

Mizoram cu Covid-19 mizaw 100 lawng kan ngei cang tiah hna ngam taktak in an um caah October 16 thawk in Siangin an awmter hna i siangin an kai tlawmpal ah sianghakchia minung 13 sin in zawtnak an hmuh tthan tiah theih asi.

Mizoram cu an Pastor te nih November thla in cun pumnak kan ngei kho cang lai tiah an chimciah cuahmah lioah an ruah lo tuk in second Covid-19 zawtnak nih a den tthan hna caah lungrethei taktak in an um tthan. Sianghakchia minung 13 sin in zawtnak an hmuhnak sianginn cu Mizoram sianginn ah a lian cem mi a si tiah theih asi.

Tuah hin Mizoram kan unau hna cu Assam he ramri ruangah fak taktak in an buai cuahmah lio si ko hmanh sehlaw, an ram chung ah Second Covid-19 zawtnak nih a den tthan hna caah hruaitu tampi cu ramri buainak lei hmanh lungthin pe kho ti lo in lungrethei taktak in an um cuahmah tiah theih a si.

Tuah hin Manipur ram ah biatak tein Covid-19 a karh caah Total Lockdown ding in Central Cozah aw-an an nghak cuahmah lio pi a si. Kan theih dih bang in Covid a rak i thawk nak China ram zawng zawtnak a thiang tuk cang tiah sianginn, dawr, chawhlehthal nak a phunphun an awn thluahmah hnu in second Covid zawtnak nih fak taktak in a den than hna.

Mizoram cu nizan ah khan siangakchia minung 17 an hmuh hna i, tuni ah minung 13 an dohlak ah minung 20 an tling cang tiah theih a si. Second Covid an hmuh mi hna chung in cun a zualhma ngai mi ICU tiang luh hau mi zawng an um cang tiah theih asi.

Hi vialte Second Covid an hmuhnak hi mizei sin in an hmuh dah si ti hmanh tu tiang biafiang an thei kho rih lo. Mizoram sianginn ah a lian taktak mi a si in zawtnak an hmuh than caah hruai tu le cu an lungrethei taktak. Kan umnak hmun cio in thlacam nak in bawm cio hna u sih. Rf: Mizo Special Report

Video Link