Mizo Gospel Singer Vanlalsailoa Nih Kum 41 A Tlin Lompi Nak Caah Tiin CM Relife Fund Caah Thong 40000 A Pek

Kan chuahhlan in sihlaw kan chuah hnu ah si sehla Mizoram ah khin hlasak thiam minung tampi anchuak ko nain tuchunni tiang in Vanlalsailoa bantuk hlasak thiam mi le a lar mi an um in ka nghal rih lo. Arak larka hrawng love song arak lio ahcun Mizo nu vialte nih thihhnawh anrak timhmi pa a si.

Caan zeimaw zah love song a sak hnu ah Pathian hla lei ah ai mer tthan i tuchunni tiang in Mizoram lawng hmanh silo in kan Lai miphun sin tiang in a lar mi Mizo Gospel singer pakhat a si. Hi tluk lar mi le nungak duhtu tampi a ngei ko nain tuchunni tiang nupi a ngeih rihlo mi te khi achambau nak pakhat a si ve.

April 25.4.2020: Tuni hi Mizoram Gospel singer Vanlalsailoa kum 41 a tlin ni a si. Mah caah cun Gospel Singer/ Evan Tv. Vanlalsailoa nihcun March thla chung You Tube Channel in a hmuhmi phaisa chung in Rs, 40000 cu Mizoram Chief Minister’s Relief Fund caah a pek. Mizoram hlasak thiam ahcun Vanlalsailoa bantuk aw ttha le hlasak thiam hi an um bak rih lo.

Gospel Singer/ Evan Tv. Vanlalsailoa nih kum 41 achuahcam lomhnak caah tiin March thla chung You Tube Channel in ahmuhmi phaisa Rs, 40000 CM sin ah pekmi cu Mizoram Chief Minister’s Pu Zoramthanga nih Instangram ah tar in lomhnak bia tiang a rak chim ve. Vanlalsaloa nih You Tube Chnannel atuah hi June 2/2028 kum ah khan a si.

Vanlalsaloa nih You Tube Chnannel atuah mi hi tuchunni tiang ah hin minung ting 2 le cheu hrawng subscribe tu angei cang tiah theih a si. Tuchunni Vanlalsailoa nih a chuahcamnak lomhnak caah tiin Mizoram CM Relief Fund caah mah zahzah  ah phaisa a vun pekmi nihcun mipi a lomher ngai ngai hna. Bawipa nih hmailei a rianttuannak ah a let tampi in tlawchuah pe chin ko sih.