MIPHUN DAWTNAK LUNGTHIN A NGEITU PI NGUN TAANG NIH CNA FALE CAAH $ 100 A KUAT HNA

VANCEUUK KHENGLAWT: Ram le miphun caah rian a ṭuan liomi CNA fale hna caah $100 te hi na ka kuatpiak kho hnga maw tiah Pi NGUN TAANG (David nu) Rua khua, Thantlang peng hi kan dawr ah a ra i a rak ka pek.

A duh na loin video kan thlak ko lai ka ti i video ka thlakmi zong ka van tar chih. Divid nu hi fa 4 a ngei. Malaysia an um lio, a fa hniang bik a chuahka ni 3 ah an pa nih a thih taak hna. Anmah nufa te lawng US ah an phan. Mirang holh pakhat hmanh a thiam lo.

Mawṭaw zong ai mongh kho lo. Nain, thlacam bak i bochan in a fale 4 hi a zohkhenh hna. An har ngai ko lai ti a fiang. Nain, thlawhlawm pek le thlacam a tlolh bal lo. Atu cu ram le miphun caah rian a ṭuanmi hna fale ca tiang ei chom te a hmuhmi in bawmh ve rih a timh hna. Nuhmei nu nih a ngeih chunte a pekmi kha a tlawmte ko nain Pathian nih a tlawm hlei in a hmuhpiak lo.

David nu nih CNA fale caah $100 te a thawhmi hi nuhmei nu thawhlawm he ka lawhter.
Pathian nih David nu lungthin le tuahsernak hi kan miphun chungah miphun dawtnak le zawnruahnak a karhter tu ah hmang hraam seh ti saduhthah nak he…upatnak ka pek.

Video Link

You cannot copy content of this page