Minute 15 chung hrawng lawngah tikholh nak le ekin hna thiangtein tuahning cang hna

Ekin le tikholhnak khan hnacu nichiartein hman pengmi asitikah hin fawitein an hnawm tawn. Curuangah cun tuletu tiin thianh le tawl peng aherh. Zeitindah minute hleinga chung hrawng lawngah ekin le tikholhnak khan hnacu thiangtein kan chiah khawh lai timi cu rak zohtuah hna usih.

1. tikholh nak ah hmanmi shower head cu vinegar hang telhmi plastic he tuampiak hnuah khairiat he tem ding asi. Suimilam pakhat chung hrawng mahti na chiah hnuah cun hawng than law na phoih hnu minute hnih thum hrawngah tawlpiak than.

2. Cocola durkhat cu ekin chungah ron dih. Mahti cun minute sawmthum in suimilam pakhat chung hrawng chiah piak hnuah hnor ding asi. Kamthuahnak hang asiloah vinegar hang zong hmankhawh asi.

3. Ti khuvai chuahter khotu seh nihcun bacteria(hrik) pawl athah khawh tikah in thianh hlimh nak tuah tikah hman tawn asi. Mah seh chungah cun essential oil phun khat khat kha ron piak law hmang. Seh nah man dih hnu poh ah cun ti le oil kha seh chungin thiangtein chuah than ding asi.

4. Serthlum pum khat cu hmun hnih ah cheu. Mah serthlum phel hna cu brush bantuk in hmang law thianh ahartukmi hna ah khan hmanpiak tawn.

5. Thlalang hmai zong kha thiangtein nawhpiak tawn dingmi kha philh hlah. Thlalang thianh nak si nan ngeihlo asiah cun changreunak ah hman mi soda kha hmankhawh asi.

6. tikholhnak khan chung um basin (kut tawl le hmaiphiahnak donh kheng) thianh nak dingah cun changreunak soda hman khawh asi. Soda na phulh hnu ahcun tilum he tolpiak ding asi. Cun lemon thei hmang zongin nawhpiak khawh asi.

7. Ekkuang chungah hnawm benhmi hna thiangtein nachiah khawh nak dingah cun rubber kuthruk ihruk law dryer sheets he ek kuang kha nawhpiak ding asi. Ekin dur kiangkap hrawng khacu ekin tawlnak hmang zongin tawl khawh dih asi.