Minung 200 Leng An Thihnak Hpakanh Suikhor Cawhnak Ah Mipa Pakhat Nih Lunghring Ton 2 Tluk A Rit Mi Ai Hmuh

July 2.2020 zinglei suimilam 6:30am ah ruahlopi in suikhor an cawhnak Gwi Hka Mare vawlei arak acim i minung 200 renglo an rak thi. Hi tluk fak in thihloh nak cang ko hmanh sehlaw minung tampi cu an pawcawm nak cem a si caah tuchunni tiang suikhor an co peng.

October 13 tuni ah khan Hpakanh suikhor a rak cimh ruang ah minung 200 leng an rak thihnak kam teah mipa pakhat nih lunghring ton 2 tluk a rit mi a hmuh tiah theih a si. Cu an hmuh mi lunghring pi cu minung zakhat reng lo nih an lak.

Hpakanh suikhor cawhnak ah vanchiatnak vawi tampi a chuak ko hmanh sehlaw chungkhar pawcawm nak rian har ruang chungkhar tampi cu kum tampi chung lunghring kawl in caan a hmang mi cheukhat cu mirum/ milian ngan taktak ah ai chuah mi tampi an um lio ah ruak hmanh hmuh lo in nunnak a liam mi zawng tampi an um ve.

 

 

 

 

 

 

 

 

 

 

 

 

 

 

 

 

2019 kum chung ah khan suikhor cawhnak tlang voi 46 arak cim i minung 40 reng lo nunnak arak liam tiah theih a si. Nawl ngeitu nih an chim ning ahcun kan hnung July 2 lio i accident chuak mi kha Hpakanh suikhor cawhnak ah mithi an tam cem a si tiah an rak chim.

Phakanh suikhor cawhnak ah khin Kum chiar tein minung tampi suikhor cawhnak tlang cim ruang ah mi tampi nunnak a liam lengmang tawn. Ni nikhat ah minung tam taktak an nunnak liam ko hmanh sehlaw chungkhar pawcawmnak rianttuan awk dang an ngeih hlei lo caah tuchunni tiang minung thong tampi an um peng ko rih.