Minung (100) Reng Lo He Naihniam Tein Arak Ummi Thantlang Covid-19 Case No.182 konglam Tawi

Thantlang Quarantine in chiahmi kum 32 Malaysia in arak tlungmi Covid-19 positive a si tiah an ti mi pa hi 2009 in 2020 May 11 tiang a um tiah theih asi. Malaysia in arak tlun lai teah hin camp ah thla 2 chung a um tiah theih asi.

Malaysia ah thong thla thum a tlak hnu ah Malaysia Airport in kawlram May 11.2020 zanlei suimilam 3:00pm ah arak phan. Malaysia vanlawng arak tlunnak ah hawi minung 120 reng lo angei tiah theih a si.
Yangon arak phanh in nawl ngeitu hna nih Laitlang lei ah anrak kuat tthan i mah ah hin hawilei mi 9 angei tiah theih a si fawn.

Cun Tidim ah ni 6 , Hakha 1 Thantlang 2 hnih hna hi a umnak hna cu an si. Yangon in Hakha tiang Hmanlung in arak tlung. Hakha in Thantlawng lei ah tungbingka in an phurh tthan. Thantlang Quarantine chiahmi Covid-19 case No.182 positive a ngei anti mipa cu Kawlram Ngandamnak zung nih May 16. 2020 ah Covid-19 positive a si tiah an langhter hi a si.

A cunglei ah kan langhter bantuk khin tuni Thantlang Covid-19 case thar an hmuh mi pa hi mifel tuk cu si lem lo tihmi cu hmuh khawh le theih a si. A ruang cu Thantlang Quarantine an chiahnak ah a hawile hna an ni vel than rih tiah theih asi. Zeiruangah dah an i velh tihmi a ruang theih sirih lo.

Mah ai vel mi hna chung khin minung pakhat ah Covid-19 positive a ngei mi cu Malaysia in arak tlungmi pa cu a si. Hakha ah Tiphul nu Covid-19 a ngei mi sizung in a chuah le cangka Thantlang ah Covid-19 case thar an vun tthan mi cu a pawi ngai. Cu leng ah Tidim ah ni 6, Hakha ah ni 1 arak cam manh mi khi thinphang a si khunnak pakhat cu a si.