Tukum Ualkhap hi dah ngai, ailingtalet vun ti awk ah le si kho ciah hoi lo, chim fiam khawh ahar ngai. Asinain, a fiang ngaimi pakhat cu mi zeihmanh hi rak nek tuk le nihsawh awk an rak si lo ti hi a si. Zoh cio hmanh ulaw, nan i fiang cio ko lai.
Mi tam u nih tukum Ualkhap cu anmah bak nih an laak lai tiah zumhmi le ruah bakmi hna Brasil cu Croatia nih penalti bakin a tei ko hna. Caan sauh hnu i Neymar nih a hun kawl khan cun, teinak an hmu lai tiah ruah cio an si.
Hi zawnte ah Croatia keptan Modric a zuamnak hmuh khawh a si. A dih dongh tiang a thazaang le thiam dihlak in a nau le hna a vun chuihpi hi caan dih lai te ah vun kawl ve hna. Kawlkhat an vun i ve hna bakin chochuak tiang an dawi lawlaw hna. Brasil bel cho an chuk manh lo.
Brasil fan pawl nih siangpahrang bantuk ah an i ruahmi le nungak tampi a zuun a uaitertu hna Neymar belte hi aralaimi Ualkhap ah i tel dawh dang a si ti rua lo. Bawlung cu a pum i hi hna ram hi an awng hrimhrim lai ti, amahkhan awk a tha hrimhrim lo.
Argentina le Portugal nih cakei le pawpi bantukin an i zohthlami hna Messi le Ronaldo an taang. Cho an chuak kho ve lai maw? Hi pahnih chuih lai hi zapi zaran nih kan i ngaih khunmi a si ko rua.
Aruang, an pahnih in tukum Ualkhap hi an chan donghnak ding a si. Zei bantuk Ualkhap zongah kan hmuh khawh ti hna lo ding an si. Cucaah kan i ngaih khun cio hna lai tiah ka ruah.
Khah! Kan biatawi seh! Tlawmpal ah Argentina vs Netherlands an i hnuk ve lai, hodah chochuak lai vun cuan cio tuah hna sih!Crd:Salai Van Lahnin