Memorial Sloan Kettering Cancer Centre, USA Nih Cancer Sii An Hmuh Thar Mi

Tunai teah khan vawlei cung ram rum bik le ram thawng bik USA ram Memorial Sloan Kettering Cancer Centre, USA ah cancer sii-ai thar an hmuh chuah mi hlawhtling taktak in minung 18 sin ah hneksak nak an tuah khawh.

Mah cancer sii-ai an hmuh chuah mi Dostarlimah cu laboratory ttangin molecules phunkhat an ser chuah mi asi. Mah sii-ai cu Anti-bodies in rianttuan mi a si i, cancer cells, zawtnak hrik vialte kha fawizaang tein a thah khawh tiah hmuh chuah a si.

Cancer zawtnak thlopbulnak ahcun hi nak sii-ai ttha hi cu hlan ah vawikhat te hmanh hmuh a rak si bal lo tiah ti si. Rilpi cancer nei mi hna cu thla 6 an thlopbul hnu ah check hlatnak an vun tuah tthan cu an cancer pakhat hmanh hmuh awk a rak um ti lo tiah theih asi.

Cancer zawtnak in a zaw mi mizaw hna cu na cancer zawtnak a um ti lo tihmi an vun chimh hna cu an i lomh tuk ah an mitthli (happy tears) tiang a tla tiah theih asi. Sibawi te zong nih a ni ruah nak leng in an sii-ai ser mi nih rian a ttuan caah an khuaruahhar dih.

Mah sii-ai cu tu nak ttha chinchin rian a ttuan khawh nak lai sibawi thiamsang hna nih an ni zum cuahmah lio pi asi. Mah sii-ai konglam cu Dailymail.Com nih june 6,2022 ah khan a vun langhter mi a si. Mizaw mi hna sin ah testnak an tuah ah hin mizaw pakhat caah India phaisa Rs 8.55lakh hrawng a dih tiah theih asi.