May Than Nu Thongtla Nak Kong He Pehtlai In Sihni U Aung Zay Ya Biachimmi Nih Mipi Alauter Dih Hna

Lu lio kawlram online cung ah mipi chimcaih a atawng taktak mi thawngpang pakhat cu mintami May Than Nu nih phaisa karh ding ting 1200 a cawi i a cham duhti lo nak kong a si. May Than Nu hi a liamcia kum lioah khan cun kawlram lemcang minthang tuk asi i, kawlram lemcang nak lei ah thiamkhun laksawng anrak pek tawnmi le Academy Award zong arak cotu pakhat asi.

Model May Than Nu cu tuhrawng ah phaisa ting 1200 hlen nak he pehtlaiin rianghrang tuandingah le thongchungah kumkhat thlak dingah baichahpiak asi tikah amah thapetu hna mitampi um nuamlo le siaremloin an um cuahmah lio pi a si.

Mah kong he pehtlaiin sihni (lawyer) pakhat a si mi U Aung Zaw Zay Ya nih a chimmi bia cu, model May Than Nu hi thongtla ko hmanh sehlaw a hlenmi phaisa kongkau ah a cham tthannak ding pohmah pakhat hmanh a umlo tiah a chim phuan.

Mah konglam he pehtlaiin May Than Nu vapa hlun asimi Shinyaw Maung Maung nihcun alungchung umbia pawl hna cu social media hmangin arak phuan ve. A fapa dawttukmi hringtu nu cungah thilcangmi kongah alung nuamhlonak kong arak phuan.

Shinyaw Maung Maung nihcu “Keimah ka fapa hrangah amah hringtunu he pehtlai in ka fapa he keimah he kan lung anuam hrim lo. Mah bantuk thil asi ruangah hin a herhmi can lawngah keimah ka si ah ka fapa asi ah media pawl hna he tonnak kan ngei lai” tiah atar.

Cun achim rihmi cu tu ah cun ka fapa hringtu nu hrangah athabik dingin ka zuam cuahmah lio asi tiah a chim chap fawn. Shinyaw Maung Maung le afapa tiah anupi hlun le a fapa hringtu nu hrangah alung nuamhlonak kong le afapa hringtu nu hrangah asi khawhchungin azuamnak konglam cu Director asimi Shinyaw Maung Maung nih cun social media hmangin arak langhter.