Matupi Ah Major Win Naing Mihur Pa Nih Kum (17) Nu A Tlaihhrem!

Chin Ramkulh, Matupi Sabawng Sang ah ummi, Kum (17) Nu cu Ralkap Pension cang mi Major Win Naing nih, June 25 chun ah a tlaihhrem tiah theih a si.

May be an image of tree and outdoors

Matupi Khuami pakhat nih cun” tlaihhrem a tong mi nu i a nu hi April thla ah khan CDM a tuahmi Ralkap kong ah an rak tlaih, cu kong he pehtlai in Major Win Naing nih a fanu cu biahal ding a um tiin an inn chung ah a luh pi i a tlaihhrem hi a si” tiah a chim.

Major Win Naing hi Matupi ah a umnak kum 15 renglo a si. Matupi kong tha tein a theih hngal mi a si i, Matupi khua ah BeoHaHmu nak in an tih deuhmi a si tiah theih a si.

May be an image of tree and outdoors

Win Naing cu Pension la cang mi a si nain Matupi ah SAC Ralkap cawlcanghnak poh ah a tel pengmi a si, Matupi khua chung mi tlaihnak poh ah a mah nih a hruai hna, Cun SAC Ralkap he hmunkhat ah rian an tuan peng caah an chungkhar in khuachung ah um ngamlo in SAC Ralkap Camp chung ah an um tiah tualchungmi nih an chim chap.

May be an image of outdoors

Mindat Peng Ah Vanlawng 2 In Bomb An Thlak , Tualchung Mi 2 An Nunnak Liam. Chin ramkulh, Mindat peng, Chat khua le a pawngkam khuate hna ah SAC ralkap nih vanlawng 2 in nihin Juluy 2 zinglei Sml 11 :00 hrawngah bomb an t lhlak i tualchung mi 2 an thi i hliam a tuarmi zong an um tiah Mindat peng thawngzamh nih an thanh.

Nizan zongah Mindat in khuate lei ah hriamngan in an kah ruang ah kum 13 ngakchia pa pakhat a nunnak a liam i inn hna kang tiah an langhter.

SAC ralkap nih Vanlawng in bomb an thlak hlan deuh ah hlathlai na tush ah an rak zuang. Bomb an thlak mi cu khuachung Sianginn chung hna ah an tla i a puak tiah Chin Defence Force – Mindat information nih a langhter. Crd: TCP