Mask Tthit Zuamnak Ah Laksawng Hmutu Minung Pathum Thim An Si Cang

Tulio kan vawleipi akan buaiter biktu coronavirus zawtnak lak in mipi nih kan ni venkhawhnak ding ah abiapi ngai mi thilri pakhat cu mask vuah khi asi. Mah caah cun NLD ruahnak petu Daw Aung San Suu Kyi amah bak nih mask a tthit i mah cucu kawlram pumpi huap in zuamnak ngei ding in arak forhfial mi hna a si.

Daw Aung San Suu Kyi nih mask tthit zuamnak a tuahmi kong he pehtlai in laksawng latu minung pathum hna cu thim ansi cang i amah Daw Aung San Suu Kyi bak nih an min he fianternak arak tuah. NLD ruahnak cheutu Daw Aung San Suu Kyi mask tthitzuamnak cu minung tampi nih lungthin an pek taktak zuamnak an ngei cio hna.

Nizan may 20.2020 zan ah khan Mask tthitzuamnak ah mipi nih like tam cem an pekmi minung pathum hna cu thim an si. Hi zuamnak ah Like petu angah cemmi vun thim cu thilfawi a si hrimhrim lo tiah Daw Aung San Suu Kyi nih cun achim.

1. Mask tthitzuamnak ah pakhatnak laksawng hmutu cu Myo Gyi tihmi account number ngeitu a si. Hi pa nih a tthitmi mask cu “Laih-pia” timi hmanthlak cuang tthitupa nih pakhatnak laksawng alak hi asi.

 

2. Pahnihnak lakswng latu mi cu Chan Myae Ko tihmi account ngeitu a si. Mah nih a tthitmi mask cu Noa nih tilet thawh lio ah tilet azor maw zor lo ti theih duh ah Laileng arak thlahmi Vate hmang lem cuang in a tthit tupa nih pahnih laksawng a hmuh tiah theih a si.

3. Pathumnak laksawng latu cu Chaw Su tihmi account ngeitu a sii, mah nih a tthitmi mask cu kawlram flag hmang in a tthitu a si.

Hi mask tthitzuamnak ah hin minung tampi anni zuam hna i mah chung ahcun mipi sin in Like petu angah cem tu minung pathum an thim mi hna a si. Hi minung pathum an thimmi hna cu mipi lei kap zawng nih anhnatlakpi mi bak an si.