Lung retheih taktak an si Tiphul ah minung 42 bak lak tthan an si Thlacam nak in bom cio hna u sih

Tuni ah kan farnu te Hakha sizungpi ah an luhpi mi hna khua Tiphul ah mi nung 42 lakchap an si than e poi tak tak si. Mah anlak mi minung 42 hna cu tuni Hakha sizung ah a lutmi nute khua le an si caah lunghrinh deuh minung pawl an si.

Hi an lakmi hna cu Hakha khuapi ah Quarantine chiah an si hna i an chuah hna nak hi an chim nak ah Hakha i mah an chiah hna nak inn hi a rem lo ngai rua, Thlacamnak in bawmh cio hna u sih. Pathian umpinak tello in cun kan Lai miphun kan luat khawhnak ding lam a um ti lo.

Hawi dawt nangmah ruang keimah ruang ah a si lengmang caan a si ti lo, kan Laimiphun dihlak tein Pathian sin ah biatak tein thlazacam tu kan herh cang. Facebook ah pakhat le pakhat kan ni soeisel lengmang nak nih thilttha chuahpi dawh a si lo.

Nihin Laimi nih kan tawnmi thil hi anmah duh bang an tawn mi a si lo ti tu kha theih piak thiam hna u sihlaw hi pulrai ttinung chung hin Laimiphun zeitin dah kan luat khawh ning si ngha ti tu kha biatak tein kan ruah a hau cang. Hi zawtnak hi cu kan Lai sibawite le thiamnak in cun zeiti hmanh in tei khawh ding a si lo caah anung Pathian sin tu ah biatak tein thlaza tu cam ko hna u sih.