Lockdown Tuahmi A Zul Duhlo Mi Paoh Cu Lainawng Bantuk Ah Ruah An Si Lai Tiah Assam Health Minister Nih A Chim

Nai hrawng kan vawleicung thawngpang cu thawngpang ttha pakhat te manh theih awk le hmuh awk aum kho ti lo. Covid-19 pulrai ruang ah Assam ram zawng lungrethei taktak an si cang. Nichiat in Covid-19 case thar an hmuh peng ruang ah Assam State Health Minister, Himanta Biswa Sarma nihcun nizan ah khan Covid-19 he pehtlai in health department, Police department le district nawl ngeitu hna he meeting antuahnak ah Lockdown tuahmi phung a zul duhlo mi cu lainawng bantuk ah ruah an silai tiah a chim.

June 3.6.2020 ah Assam ah ruahpi tamtuk a sur ruang vawlei a min i Assam nichuahlei kam, Barak Valley district pathum Cachar district ah mi 7 an thi, Hailakandi district ah mi 7 le Karimganj district ah mi 6 an zapi teah minug 20 an nunnak arak liam. Hi tluk tilian ruang ah lungrethei i an um lio ah Assam ram ah nichiar tein Covid-19 case thar an karh chin lengmang tiah theih a si.

Midang zeimaw zah nih hliamhma an pu tthan tiah theih a si. A thi mi minung pakul hna cu chungkhar thum an si i, a thi mi lak ah hin nghakchia mi 11 an ni tel tiah theih a si. Assam ah khin tilian ruang ah harnak a tawng mi ting 3.72 an um tiah theih an si. Mah chung ahcun tilian ruang ah harnak a tawng cemmi hna cu Goalpara district an si.

Nagaon le Hojai hna hi a changtu an si ve i mah minung paruk an nunnak a liam ve cang. Assam ram tilian nih khua 348 hna cu ti nih a khuh dih cang hna tiah theih an si. Assam State Disaster Management Authority (ASDMA) hna nihcun thlaicin nak hectare 27,000 tluk akau mi cu tilian nih a hrawh piak dih cang hna. Mah lawng hmanh silo in an satil zuatmi 44,331 le Ar 9,350 an thi fawn tiah theih a si.

Tulio kan vawleicung akan buaiter biktu Covid-19 zawtnak hi Assam State ah chung ah khin minung 2115, active case 1649, discharge 459, athi mi 4 an um ve cang tiah theih a si. Mah ruang ah Assam health minister nih nizan meeting an tuahnak ah a chimmi cu Lockdown tuahmi phung a zul duhlo mi paoh cu Lainawng case in tlaih an si lai tiah a chim.