Lem Cang Thiam Htet Htet Moe Oo Hringtu Pa A Nunnak A Liam Ruang Mang

Kawlram lemcang thiam le fakthanh lei ah minthang a si mi Htet Htet Moe Oo hringtu pa cu thahri fah damlo nak ruang ah sizung ah caan zeimawzah chung an thlopbul hnuah tuni Aug 18 ah a nunnak aliam nak kong le a ngaihchiatnak kong cu Designer Myo Min Soe nih arak langhter.

Myo Min Soe nihcun a mah facebook aacount ah Htet Htet Moe Oo pa a nunnak a liam nak kawng cu arak langhter. Myo Min Soe cu a cung thil tlungmi ruang ah a celh hrimhrim lo, zangfak taktak khi a si. A mah nih le vawi tampi operation ai tuah cang fawn ttung ngaihtuah um ngai a si.

Tlawmpal te a pa a mit hna a vun au khawh, a ka hna a vun an khawh hmanh ah lomhnak in a khah lio ah ngaihchiatnak thawngpang nih a rak den tthan. Hringtu a pa nih a lu akan nak tel ah cang hram sehlaw, amah Htet Htet Moe Oo tu chansaupi tiang nung hram ko seh.

 

 

 

 

 

 

 

 

 

 

 

 

 

 

Cu tluk lungrethei in a um cuahmah lio ah a dawt tukmi a pa Khin Aung cu thikai zawtnak a ngeih ruang ah lephiat in an um caah emergency bak in Mandalay sizung ah an thlikpi tiah theih a si. Kan chim cia bang in amah hmanh khi nai hrawng cu angandamnak a tthat lo ruang ah lungrawk in a um lio pi a si.

Lemcan thiam Htet Htet Moe Oo cu angandamnak tthatlo ruang ah caan zeimaw zah chung anuh ping ngia rian ttuan kho lo in a um hnu ah a duhtukmi anuh ping ngia rian ah a vung lut tthan i mipi lomhnak in an khat lio caan nai hrawnghrang cu a zawtnak ruang ah a lungdongh nak kong arak chimphuan than.

Lungrethei le vansang au in a um cuahmah lio ah adawt tukmi hringtu apa Khin Aung cu thikai zawtnak ruangah liphiat in Mandalay sizung ah an tlikpi tihmi thawng cu amah facebook cahmai ah a vun ttial. Htet Het Moe Oo nihcun hawi kawm dawt hna fakpi thla rak kan cam piak uh tiah achim pah khin tikhai zawtnak a ngei hna nan si ahcun ral ring taktak in rak um uh tiah ralrinnak bia a chim chih fawn.

Lem cang thiam Htet Htet Moe Oo nih angandamnak he pehtlai in June 1 lioah arak chimmi cu zeitluk in Bile ka rel i kaa ciah len zong ah hnangamnak tihmi ka hmu kho bak tilo tiah a chim. Ka ngandamlo nak kong he pehtlain lungre aka theihpitu vialte nan dihlak cung ah kai lawm tuk tiah lomhnak a chim chih fawn.

Lemcang thiam Htet Htet Moe Oo bantuk minung hi cu tuchunni tiang kawlram lemcan thiamnak lei le fakthanhnak ah amah bantuk minung an chuak bak rihlo. Muidawhnak le thiamnak kan timi te hna khi cu zungzal a hmun dingmi an silo. Tunai hrawng Htet Htet Moe Oo thil tawnmi cu miung fa inkhawh ding hrim khi an si lo zangfak taktak khi a si.