Laimi Kan Caahcun Kan Lairam Te Hi Anuam Bik Ko

Vawleicung ah hin miphun tampi kan um i mah miphun hna cu Pathian nih kanmah le kan itlak ning cio in ram akan pek dih cio. Ram cheukhat hna cu sui le ngun, zinan, gas le thilman sung phun kip achuakmi ram an si. Mah chung ahcun Pathian nih akan pekmi kan Laimi ram te khi zei tha le thilman sung chuak hlah manh sehlaw Laimiphun kan caah cun zei ram hmanh nin an iang kho hlei lo.

Laimiphun cu ram sifak tukmi le uknak a ttha lo mi ram kan si caah chungkhar nuamchialmal lenti kan timh ko zongah kan ram dirmun nih a phanh lo caah aipei ram dang ah minung tampi cu kan Pathian lamhruainak thawng in kan phan. Zanmang hmanh ah kan rak manh khawh ballo mi cawhnuk le khuaihliti in akhatmi ram ttha ah minung tampi cu kan phan.

Kan nghakchiat lio ah Vanram bantuk i kan rak ruahmi US ram tiang in kan phan cang i, kan tappi le lungthu bantuk in a hmangmi tampi kan um ve cang. Cutluk in anuammi ram ah khua kansa ko nain kan chuah semnak kan Laitlang te cu zeitik hmanh philh awk an ttha kho hlei lo. Pathian nih akan pekmi kan Laitlang dawhte a ngai lo mi hna cu mi tlamtling pakhat bantuk an si cang ti usihlaw kan palh lem lai lo.

 

 

Mah caah aipei ramdang a phan cang mi kan Laihritlai ule nau hna Pathian nih akan pekmi kan Laitlang te a thar in navun nghal tthan khawhnak ding caah tiin kan Laitlang a dawhtertu saram hna le eidin phunkip hna cu ka vun in hromh hna. Kan theih dih cio bang tulio kan boruak cu Covid-19 zawtnak ruangah ram khat le ramkhat hmanh i tlawng kho lo in le leng hmanh chuak kho lo in Lockdown tuah dih a si.

 

 

 

 

 

 

 

 

 

 

 

 

 

Minung tampi cu munite pakhat chung te hmanh lengchuak kho lo in aummi tampi kan rak um. Mah hna caah cun zarh khat hnihh Lockdown ankan tuahmi hmanh khi kum khat tluk hrawng ah aicang. Mah caah cun Lockdown nih lungrimlo in caansaupi akan tuah caah lung i fimĀ  tthan nak ding caah Pathian nih akak pekmi kan Lai kokek tirawl hna cu kan cun in hromh hna nak cu a si.

 

 

 

 

 

 

 

 

 

 

 

 

 

Mah hmanthlak hna le atanglei hla te na vun ngaih zawn ah hin Pathian nih akan pekmi kan Lairam dawhte hi nazanmang ah rak kan tlawng ve. Mah hmanthlak le hla na ngaih bu hmanh i kan Laitlang na vun ngaihlo ahcun anpei ram ah lam ka tlau cuahmah cang ti kha rak i nghal velaw mahdirhmun ah an phanhtertu kan Lairam te kha a thar in hung ruat tthan ve.

 

 

 

 

 

 

 

 

 

 

 

 

 

Mah hla te hi rak ngai ve lengmang ding in kan sawm