Kum hra bi pakhat chung premier league ah goal khumh tambiktu minung panga hna

2010 thawkin kumhra bi pakhat cu adih dongh cang. Tuah cun kum hrabi thar kan phan than cang bantuk in kum hrabi pakhat chungah thilcangmi le kan tuahmi hna cio zoh than zong atha ngaimi thil pakhat asi. tutan kan rak langhter dingmi zong hi kum hrabi pakhat chung Premier League ah goal khumh tambik minung panga hna an silai.

A liamcia kumhra bi pakhat chungah Man City nih point tambik an hmuhi puai 381 chungah puai 251 tiangah teinak an rak hmu. Man U belte cu a pahnihnak lawngah aum kho. Mah kumhrabi pakhat chungah goal tambik arak khumh khotu hnacu atanglei bantukin an si hna.

5. Van Persie 98 goals

2011-2012 bawlung kum ah goal 30 tiang khumh in sui kedan cu Van Persie nih hin arak co. Manchester United hrang zongah goal tampi khumh khotu Van Persie cu Arsenal he arak lar ngaitu pakhat asi.

4. Lukaku 113 goals

West Bromwich Albion, Everton, Chelsea ah le Manchester Unites hna ah rak icelh tawntu Lukaku nihcun kumhrabi pakhat chung Premier League ah goal tambik khumhtu pakhat ah ahawng ichuah hi asi. A rak umnak hna club poh ah cun an irinhcanh mi forward asi peng nain Chelsea belte ah hmun hman arak tintuk lo ruangah arak ithial. Tu ah cun Intermilan hrangah goal tampi khumh cangin acawlcang cuahmah lio asi.

3. Waynie Rooney 114 goals

Manchester United ah le England hna hrangah goal tambik khumh khotu dirhmun in adirmi Rooney cu Premier League tuanbia ah ahlawhtling bikmi player pakhat asi. Man U hrangah puai 491 arak chuih i goal 208 tiang arak khumh khawh. Kum khat chung goal akhumh tambik ah cun goal 27 tiang arak khumh khawh.

2. Harry Kane 136 goals

Norwich, Leicester hna ah hlanh arak tong baltu Kane cu Mauricio Pochettino kut tangah Tottenham Hotspur he hlawhtlinnak arak cotu pakhat asi. Premier League ah kum hnih pehin sui kedan laksawng arak cotu asi. Kum khat chungah atlawmbik goal 25 in acunglei khumh khotu asi pinah Spur hrangah puai 200 arak chuihi goal 136 tiang arak khumh khotu zong asi.

1. Aguero 174 goals

2011 in Manchester City ah arak ithialtu Argentina forward player Sergio Aguero cu Man City tuanbia ah goal tambik akhumh khotu dirhmun acotu asi. Zuamnak dang dang hna he akhumh mi goal dihlak cu 245 tiang asi i mah chungin goal 174 cu Premier League ah akhumh mi hna an si. Kum nga pehtlaiin kumkhat chungah atlawmbik goal 20 cunglei akhumh khotu pakhat zong asi. Tuni tiangah athiamnak atlak rihlo ruangah hmailei zongah goal tampi akhumh rih lai tiah zumhmi pakhat asi.