Kum 60 chung thetse lawng arak eitu le voikhat hmanh sibawi sinah arak izohter ballot u kum 78 tarnu

Kusma Vati tiah kawh mi India nu pakhat nihcun thetse hna cu arak eitawn konain sibawi le sinah voikhat te hmanh arak izohter ballo. Mah tarnu nihcun thetse einak nihcun ngandamnak achuahpi tiah a chim.

Kusma Vati cu kum 78 asicang i kum 60 leng cu thetse lawngte arak einak konglam cu arak phuan hi asi. Tu lebang ah cun thetse eilo in cun a um thiam tilo tizong theih asi. Mi tampi hna nih mah konglam anrak theih tikah cun khuaruah har le lau koin an rak um hna.

Sihmanhsehlaw Ms. Kusma Vati nihcun thetsse a einak thawngin ngandamlo nak angeih lonak konglam hna cu arak chim ve. Ms. Kusma Vati a tule nihcun an pitar cu thetse ei tilo dingah an chimh peng konain an bia cu ngai dawh dang cu asi ruam lo.

Khuaruah hartak cu asi hrim ko thetse ei ruangah a pumsa cungah zei bantuk harnak hmanh tonglo cun alang ko tung tikah hin khuaruah hartertu pakhat asi. Ms. Kusma Vati nih cun mah bantukin thetse a ei tawnmi konglam he pehtlaiin a tule hna nih an rak khamnak konglam cu a chim.

Ka tunu te nihcun sibawi le hna sinah izohter dingah arak ka chimh tawn ko. sihmanhsehlaw kei nihcun mah bantuk thil cu aherhmi ah ka ruat lem lo. Tu zongah ka ngandamnak cu atha tuk ko hi tah. Mah cu keimah a ka lawmhtertu biathli pakhat asi” tiah Ms. Kumas Vati nihcun arak chim.