Kum 40 Upa Pakhat Nih Thikai Zawnak In Damnak A Hmuh Nak Kokek Sii

Kum 40 upa cangmi pa pakhat cu thikai zawtnak a ngeih ruangah phaisa tampi dih in siizung ah a chungkhar le nih an kalpi tawn i damnak tling a hmu khawh hlei loh caah lungdong ngai in a um.

Nikhat cu nutung pakhat nih thikai zawtnak caah a ttha tuk mi kokek sii ka theih tiah a chimh hna. Cu a chimh mi hna cu, “Nga” phuhlip nei lo mi le kawl nih “Tantalun” hnah chumh i ei piak ah a ttha tiah a ti hna.

Mah ni thawk cun thikai zawtnak ruangah lungrethei in an rak thlopbul zungzal mi kum 40 upa a vapa cu mah nga phuhlip nei lo le Tantalun hnah cu a chumh pawlh i mah cucu, zingzan in a ei ter i phaisa tampi dih in siizung an rak fuhpanh i a rak dam kho lo mi cu a dam.

An nu nih a chim nak ahcun kum 40 i upa a vapa cu mah kokek sii a din ter/ ei ter hnu cun vawi khat te hmanh siizung ah kan kal ti lo tiah a chim. A chum tthan rihmi cu tuah hin kan pa cu kum 70 a phan cang nain thikai zawtnak a chuak bak ti lo tiah a chim.

Tu kan chan ah zawtnak tam cem cu Thikai zawtnak a si ti u sihlaw kan palh theng lai lo. Tu kan chan ahcun kum upa lawng hmanh si lo in kum no tete tiang in thikai zawtnak nei mi tam tuk an um cang. Mah caah cun thikai zawtnak na neih ve sual ahcun mah kokek sii hi rak hmang ve.