Kum 19 Nungak Pakhat A Thih Ning cu Khuaruahhar Ngai Si

Hmanthlak I kan hmuh bantuk khin kum 19 nu tleirawl pakhat cu a ihnak in tho ti lo in a nunnak liam. Hi nu cu British nu asi I, a chung le nih an chimnak ahcun zei hmanh zawtnak a nei lo tiah an chim.

Tu kan chan ah hin accident nak hmanh hmanh in hi bantuk in a thi mi an tam deuh tiah hlathlai tu nih an chim. Hi bantuk a thi mi hna cu mirang in cun SUDS tiah an auh I a sullam cu Sudden unexpected death syndome tiah an auh.

Hi bantuk in hin vawilei cung ah a thi mi an tam bik nak hmun cu Asia ram chung ah a si tiah theih asi. Asia ram ahcun accident in a thi mi hna nak in SUDS in a thi mi mino an tam deuh tiah hlathlai tu lei nih an chim.

Hi British nu hi mahti a um hlan ah hin zeiti hmanh a um lo, a mah hi ngandam taktak mi le hrisel ngai mi asi tiah a chung le nih an chim. Sibawi te nih ttha tein check hlat nak an tuah hnu zawng ah zei zawtnak hmanh a pum chung ah an hmu lo.

Hi bantuk thil cu kum 1977 hrawng khan sibawi te nih biatak tein hlathlai nak an rak tuah cang mi asi. An I nghilh thut thluahmah lio ah hin an lungphu kha ruahlo pi khin a hung rang tuk I mah ti cun an nunnak a liam colh ti si.

Cun tu lio ah kan mino hna cung ah a hung lar ngai mi pakhat cu ruah lo pi khin an tha a dih I siizung a phan mi mino tampi an um cang. Hi bantuk zawtnak hi sibawi thiamsang hna zawng nih zeiti thlopbul awk an theih bak lo mi a si.