Kum 14 Nu Tleirawl Te Titla Mi Ruak Cu Ni 7 Chung An Kawl Hnu Zawng Ah An Hmu Kho Hlei Lo

Nai hrawng kan vawleicung thawngpang cu thawngpang ttha hrimhrim theih awk le hmuh awk a um kho lo, tu le tuin ngaihchiatnak thawngpang lawng te nih a kan den. October 9 ah khan Lalngaihdami kum 14 nute cu Vanchengte kai ah tihmi tiva ah a tla i tuchunni tiang a ruak ankawl ko nain an hmuh kho lo.

Lalngaihdami kum 14 cu News Serchip, IOC Gosen sang ah khuasa mi an sii, hawi le kom a daw taktak mi nute a si. Pathian thangtthat a duh taktak mi a si tiah theih asi. Mizoram nih minung pakhat khat ti an tlak sual ahcun ruak ni 7 kawl tiang i an hmuh khawh lo ahcun ruak kawlnak cu ngoltak ding tiah an ngeih mi a si.

Phung le lam an ngeih ning tein Lalngaihdami kum 14 nute cu October 9 ah khan ti ah a paam i tuchunni in cun ruak an kawl hi a ni 7 nak a si cang caah thaizing in cun ruakkawl nak cu kan ngol cang lai tiah YMA hruaitu nihcun an chim. Hi tluk kan vawleicung thawngpang chiat lio ah hin bantuk thawngpang vun theih cu lungthin aa nuam kho hrimhrim lo.

Hriangtlang khua tiva ah Sub-Hqrs YMA tthithruainak in thaizing suimilam 4:00pm ah ruakkawl ngolhter nak programe tuah timh a si. Cun Khrihfa buu programe lei nih thlahnak cu thaizing October 16 Friday suimilam 11:00am ah tiva ah paam mi Lalngaihdami te inn ah thlahnak hman timh a si.

Nai hrawng Mizo kan unau hna sin le Laitlang lei kan unau hna sin i thawngpang kan theih mi cu thawngpang chiakha lawng te an si. Kan theih dih cio bang in tulio boruak i thihlonak tawn cu chungkhar hna le cingla rualchan hna caah a fak khun, tutan Lalngaihdami te chungkhar caah cun zeitluk in dah a fah lai ti ahcun a ruak hmanh hmu kho lo.