Khua Khangh Kal Mi Ralhrang Mipi Ralkap Nih An Kah Hna Minung 5 An Thi+ Video

Khua Khangh Kal Mi Ralhrang Mipi Ralkap Nih An Kah Hna Minung 5 An Thi+ Video

Khin Oo Peng, BaU khua A Khangtu SAC Ralkap Mawtaw 2 Cu Bomb An Puah Hna, SAC Ralkp 5 leng  An Thi.

Sagaing ramthen, KhinOo peng,  BaU (ဘအိုး)khua cu nizan ah mei in a duahtu SAC ralkap 70 tel mawtaw 2 cu PDF hna nih bomb puahhnawh in an doh i SAC ralkap 5 leng an thi tiah KhinOo RTGF in tuanvo ngeitu pakhat nih a chim.

June 23 ah SAC ralkap nih KhinOo peng,  BaU khua cu meiduah in an hrawh hnu zanlei khuachung in an chuah lio ah bomb an kan puahhnawh sual lai tiah rangpi in mawtaw cu an khalh nain bomb voi 2 an  puahhnawh manh hna tiah theih a si.

Nizan zan ah KhinOo peng BaU khua cu SAC ralkap  an lut i an duah, an kir lei mawtaw ngan 2 ah SAC ralkap 70 hrawng an i cit.  Cu SAC ralkap mawtaw cu bomb voi 2 puahhnawh an si i kaphnih kahdohnak a chuak.

Drone in bomb kan thlaih i a cung in kan thlak hna. SAC ralkap 5 an thi ti cu kan fianter khawh ” tiah RTGF in tuanvo ngeitu pakhat nih a chim. Crd: TCP

Video