Kerala Ah Vanlawng A Tla Pilot Le A Phurh Mi Minung 2 An Nunnak A Liam

Aug 7.2020; Tuni ah khan Dubai le Kerala khuapi pakhat Kozhikode karlak ah khualtlawng Vanlawng Boeing 737 flight X1344 cu a tla i pilot pakhat le a phurh mi minung an nunnak a liam. Vanlawng a tlak hi zan suimilam 7:41pm ah khan Karipur Airport, Kozhikode ah ttum atimh cuahmah lio ah accident an tawng tiah theih a si.

Boeing 737 flight X1344 pi nihcun ttum a timhnak ah vanlawng bual ah dirkho ti lo in a tla tiah theih asi. Vanlawng cu hmun khat a kiak i mah khualtlawng vanlawng ah hin minung 190 an i cit tiah theih a si. Khuaruahhar ngai a si mi pakhat cu mah vialte minung lak ah pilot le minung pahnih lawng an thih mi khi a si.

Vawi dang ahcun nikhia hna chiat ahcun Karipur Airport ah hin vanlawng an ttumter bak lo tiah theih a si. Hmun dang/ kadang ttumnak arem deuh mi Airport ah an ttumter tawn ko nain tuni Boeing 737 flight X1344 hi cu nikhua a chia ko nain Karipur Airport ah an ttumter, mah ruang ah hi bantuk vanchiatnak an tawn hi a si.

Pilot le minung pahnih cu an ka hmanh chawn manh lo in an nunnak a liam cawlh i a dang minung 40 hrawng cu hospital ah arannak in an thlikpi cawlh hna tiah theih a si. Kan vawleicung khua caan hi a hman kho hrim ti lo, nichiar tein thawngpang chia lawng tein akan zelh dih cang.

Relchap>>Lungran tuk in riantuan hi zeitluk in dah tih a nun, Atu lio Kawlram pumpi ah a linsar ngaimi cu Hlasak, lemcang, Muicawl thlak lei ah thiamnak tling ngeimi minthang Yone Lay kong a si.
Lung thawh in rian a tuan ruang le a lung ran deuh ruangah minchiat aa huah lengah kum khat chung zeihmanh a nuhpingngia lei tuah lo ding in Kawlram anuhpingngia zung lei nih an phihkhar.

Kum khat chung cu a duhmi le a zuammi, a pawcawmnak le a larnak rian vialte khar a si caah a tuah kho ti lai lo. Minthang Yone Lay nih zeidah a tuah ti cun zapi theih a si ko, “Lungrual a cu Kawlrampi,” timi MTV muicawl kongah sualman dantat hnak a cung a tlung.

Mah “Lungrual a cu Kawlrampi,” timi MTV ah Lemcang minthang tampi an i tel, Hlasak thiam 25 leng an i tel. A poi ngaimi cu atu lio Kawlram ramkhel kong deuh kha muicawl in a tuah i a thlah.
Ralkap, Suu Kyi, le Party pawl an riantuan ning le cawlcangh ning pawl mui lang in siseh, a bia le hla in a tuah.

Cun Kawlram thantar zong ning cang loin a hman. Cucu Kawlram upadi he aa tlak lo lawng si loin a ho nawlpeknak tel lo in a tuahmi a si. Amah zong nih a lungthat lo nak le mipi sin ngaihthiam halnak a tuah len ve. ” atu bantuk in ka lung a rawk bal lo. Ka lung a rang deuh, ka duhnak nih a ka tei ee.” a ti len ve. Kaa ruah ning bantuk in thial a kal lo.

Phaisa fangkhat hmanh hmuh nak lo ah a ti. Minthang le hlasak thiam a sawmmi pawl zong phaisa a pe hna lo. A lak tein an bawmhmi a si rih. Cu lengah tha tein a thil tuahmi kong a chim hna lo cu zong cu apalhnak si.

Biahlei.. Lungthawh riantuan tih a nung timi a lang. Zeih rian hmanh hi duhnak he tuan cu a tha nain duhnak lawng in riantuan cu a hnu ah tih a nung zungzal. A hnu a hmai tha tein zoh a herh. Atu lio Kawlram dirhmun a tha tuk lo thimnak a naih caah kan theih lomi ah cun da tein um a tha bik. Kan rian silo ah i thelh tuk cu mah ca fahnak si. Credit: Saya Tluangceu Thang