Ke thu/ Ke-uih ahmangmi hna caah thawngttha taktak ka vun i hromh hna

Thil uih/ thil thu vialte lak ah ke-uih/ ke thu khi mah ca lawng hmanh silo in pawngkam ummi hna caah intaur a har taktak mi a si. Ke-uih/ ke thu hmangmi hna caah a harcem nak pakhat cu mipi sin um thutto ah khin a si. Kei thu. Ke-uih nawn i mipi kam vun thut ah khin cun kan pawngkam ummi hna kha zei biachim theng lo in an hnar an vum i huh thluahmah ah khin cun kan luu khi arbom tiat ai tim cawlh tawn.

Mah caah cun ke thu/ ke-uih hmangmi hna narak sive sual ahcun atanglei ah ka vun langhter mi hna khi tuah khawh rak i zuam ve. Mah ka vun langhter ning i na tuah huam ko a si ahcun ke thu/ ke-uih ruangah mipi sin naluhchuah tik zong ah na ning a zak ti lai lo. Ke thu/ ke-uih kan tlauter khawhnak ding ah a herh mi thil hna cu..

1. Johnson’s Baby Powder: Na ke a thut/ uih tuk ruangah lungrethei in narak um tawn a si ahcun mah Johnson Baby Powder hi rak hmang ve hmanh a ttha taktak. Chunnitlak kedanhpum he nai chawhvah i inn nattin le cangka in nake kha thiang tein tawl le mah hnu ah Johnson Baby Powder kha na keh thuh piak. Mahti na tuah piak lengmang a si ahcun ke-uih/ ke thu ruangah ningzak in na um ti lai lo.

2. Aithing le Pusinan: Nake kha thiang tein na tawl hmaisa la i mah hnu ahcun puan in na hnawhpiak lai i, mah hnu ahcun Aithing le pusinan na rial mi hang kha khengkur chung ah nachiah lai i mahka ah cun nake nazi cheu hrawng na ciah piak lai. Mahti zan ihlai paoh i natah huam a si ahcun ke-thut/ ke-uih ruangah ningzak in na um bak ti lai lo.

 

 

 

 

 

 

 

 

 

 

3. Baking Soda: Mah hi hi kan theih cio ttheu lai tiah ka ruah changreu lai ah an cawh tawn mi khi asi. Mah Baking Soda hi tilum ah naciah lai i, mah hnu ahcun nake kha munite 30 chung naciah lai. Mah hnu in cun nake kha thiang tein naitawl hnuah ro dihlak in puanchia nih nahnawh piak than lai.

A cunglei ka rak langhter mi pathum hna le a tuahning ka vun langhter mi hna hmang khin nake a uih tukmi le kha fawi tein na tlauter khawh lai. Mah ka vun langhter mi ning i natuah huam a si ahcun ke-uih/ ke thut ruangah mipi lak zawng ah na ning a zak bak ti lai lo.