A luancia April thla chung ah SAC ralkap le PDF kar kahdohnak voi 400 leng a chuak i, SAC ralkap 500 leng an thi, tiah NUG runvennak zung nih cathanh an chuah.
NUG nih ralram hmun No. 1 tiah a chiahmi Sagaing ramṭhen, Magway ramṭhen, Mandalay ramṭhen le Shan ramkulh chaklei ah a bik in kahdohnak a chuak, tiah an langhter.
Cu kahdohnak ah cun SAC ralkap 500 leng an thi i, PDF in ralkap 39 nih an nunnak an pek ve pinah 135 hliamhma an pu, tiah an cathanh ah cun langhter.
April thla chung kahdohnak ah SAC ralkap meithal phuntling zun 49, bomb lung 300 deng le meithal kuan 10,000 leng zong PDF nih an lak, tiah NUG nih an thanh.
A luancia thla hnih ah khan Karen ramkulh chung lawng ah SAC ralkap officer 114 an thi i, ralkap 11 kan tlaih hna, tiah Cobra Column nih May 27 ah cathanh an chuah.