Kawlram: Kuhva Ei Mi Le A Zuar Tu Hna Caah Cun Thawngpang Chia Tak Tak A Si

Kawlram cu kan theih dih bantuk in vawleipi lungrethei taktak in akan tuahtu Covid-19 zawtnak nai hrawng in biatak tein a karh tthan caah thaizing september 24 thawk in Yangon ramtthen kuhva dawr hna cu kharter dih an si lai tiah theih a si.

Tu bantuk i kuhva dawr tiang kharter dih an timh hna nak a ruang cu, Aug thla canceu hnu in biatak tein zawtnak a karh than caah a si. Hlathlai tu nih an chim ning ahcun Covid-19 zawtnak kai a fawi taktak nak hmun le hma lak ah aitel ve mi kuhva dawr hi a si tiah an chim.

Tu bantuk in kuhva dawr kharter dih an si lai tiah thawng thanhnak a tuah tu hna cu Health Department le Lentecelhnak lei minister an si tiah Puzuntaung myone Sipin commitee ukkatthah U Myint Myat nih a chim. Lakphakti dawr le eidin dawr hna cu paa-se in cawk khawh a si tiah theih a si fawn.

A vawi khatnak Virus ai thawk lio ah khan cun kuhva dawr tiang tiang cu kharter an si lo nain a vawi hnihnak virus cu ruahnak leng in a karh ning a rang tuk caah an kharter hna nak a si. Kuhva dawr cu paa-se i an zuarter zong ah minung pathum pali tal hmun khat ah an tthut tawn mi ruang ah khin an kharter hna nak a si.

Kawlram ah khin Kuhva zuar tu hna khi phaisa lut a ttha taktak mi an si ve, a ruang cu nu he pa he kuhva ei mi an tam taktak nak ram pakhat a si. Kuhva duh taktak mi khi cu rawl vawikhat ei nak hmanh in kuhva ei a duh ceuh mi hmanh an um. Kuhva zuar mi le a ei mi hna caah cun lungrawk taktak mi thawngpang a si.

Kawlram chung ah hin tuchunni tiang Covid-19 zawtnak nei minung 7000 tluk hrawng an um cang. Mah chung ah cun minung 1700 tluk hrawng nih damnak an hmuh i minung 100 nak tam deuh an thi cang tiah theih a si. Tuchunni tiang kawlram dirhmun zoh ah khin virus a karh lei peng a si.

You cannot copy content of this page