Kawlram hi zeiruangah dah hitluk lungmansung le zinan chuahnak ram a si ko nain vawleicung sifak ram ah an thim ngha?

Vawleicung ah hin ram tampi an um i mah chung ah cun kokek nih a chuahpi mi thilman sung tampi an chuak cio. Mah bantuk kokek thilmansung chuakmi ram hna cu vawleicung ah ramrum ah an ni chuak dih cio hna. A ruang cu an ram chung in kokek thilmansung chuakmi hmang in cun ramdang ah chawlehthalnak ah an hman hna caah a si.

Cu bantuk kokek thilmansung a chuak mi ram ahcun kan kawlram khi aitel ve mi ram pakhat a si. Kawlram chung ah khin lunghring, sui, lungmeihol, Gas, zinan le thildang kokek thilmansung tampi a chuahnak ram pakhat a si ko nain vawleicung ram ah ram sifak ah an thim mi lak ah aitel ve mi a si.

Kawlram chung ah kokek thilmansung a chuakmi zoh tik ah vawleicung ram sifak ah cun thim awk cu a si lo nain tuchunni tiang ah cun vawleicung ram sifak thimmi chung ah an telh peng mi ram a si. A ruang cu a chung rianttuantu hna nih kokek thilmansung chuakmi vialte hna cu anmah pumpak tthatnak caah an hman dih caah vawleicung ram sifak ah thim an si tawn nak a si.

Kawlram chung ah kokek thilmamsung chuakmi vialte hna khi ningcang tein a chung rianttuantu hna nih tawlrel hna sehlaw cu vawleicung ram rum lak ah thim sing dirhmun tiang a phanmi ding mi a si. An ram chung chuakmi kokek thilamsung vialte nih khin an ram mipi vialte sifak lo le ramdang ah kuli ttuan haulo tein a cawm khawh dih ding khi a si.

Kawlram cu kokek thilmansung a chuak lawng hmanh silo in, Pathian a pekmi ti nga hring hna le ramsa phuntling an tam taktak nak ram pakhat a si ve. Hmanh sehlaw cutluk in cun kan ram chung ah khin thilmansung phuntling a chuak ko nain tuchunni tiang in kawlram cu vawleicung ram sifak bik ah anthim thiam rih ko. Ruah lengmang khin ram chung mipi hna caah cun ngaihchia hna beidong taktak khi a si.