Kan Ram Lungdo Hma A Damnak le Ramtang Sianghnuai An Lawi Khawhnak Ding Lam Um Chun Cu Peace Process Te Lawng Hi A Si

Mizei poh nih Chin cozah tuan hna hmanhsehlaw Chin mi kan caah kan hma nih Damnak tlamtling kan hlei ka zum loh CANGAI khawrh hmang le hmang lo lawng an si ko lai. Kan lungdo hma a damkhawhnak ding ahcun Ramtang Sianghnuai an lawi dih a hau.

Ram Sianghnuai an tlun khawhnak ding ah Lam bingbo le hling le so thianhpiak dih an hau. Cu lamsial hnu lawngah Naunuar pawl an tlungte lai. Kan ram a damte lai. Cu lamsialnak ding ahcun Peace Process te lawng hi a si.

A dang lam a um lo. Kan vaituhmui, belca, thiarfung hna cu Panlung Agreement, agreement of letter cazual chungah Thlarau, agreement of spirit hna kha. Cer than an hau, JCB zong hman chih a hau cang. Ka JCB belte kan Tar nu nih a piston a khiah (NCA )caah Tiliso hna ah kan dir peng ko.

Ram mipi nih kan feipar kan mer hlan cu a chan in kan rau kho rih. Kawlram politic cu password a ngei. 2015 tiang cu stakeholders 2 lawng in an kal i an hma a sawt ngai. Atu cu stakeholders zei zah an si hmanh an i thei kho ti loh. Luatnak independence kan hmuh lai hrawng Cheng mi le rawn mi nih Sazuk sa can kan rak hngahhlang ngaimi cu, a tu kan cozah khaan chungah cun aum hrim ti loh.

A umnak khaante ai fiang ngai cang ko nain ram mipi nih kan feipar mer kan timh hlan cu Jerusalem luh hrawng vial i Hosana ti i au khuan,Vailamtah phanh tik tu i THAH si ko seh ti ah Aw Phawi thleng mi mipi he kan i dannak a um hnga lo. BY; Siang Lian Hmung