Kan Ral Min Aung Hlaing Tei Nak Ding Ah Hriamnam Ttha Hi Pakhatnak Si, Lungrual Nak Tu Hi A Si Deu

Thantlang peng Zephai khua nih CNA/F le CDF caah $ singthum ( 300,000) an pekchanh timi thei cu lung ahmui kho tuk ee. Ralhrang kan dohnak ah hin hriamnam ttha nak hmanh a biapi deuh mi cu i lungrual nak hi a si.

May be an image of 14 people and people standing

Lungrual cu tthawnnak le teinak hrampi a si. Zephai khua Bawipa nih ram le miphun caah hmangchin ko hna seh. Hi tluk i hawi nih ram le miphun caah tiah cawhleva an pekchanh cuahmah lio ah cheu khat Maurpo Pastor hna an rak um ve sih hi cu a poi ngai.

Ralhrang kan dohnak hi Kum khat le a cheu a rau cang. Camipuai awnnak caah mark 100 ah 40 hmuh a hau. Ralhrang hi cu cozah si kawhnak camipuai awnnak caah mark 100 ah mark 0 a si rih.

Mark 1 hmanh a hmuh rih lo. Subject 6 ah tlawmbik 240 marks hmuh lawngah pass mark si ding. Atu cu “0” (Zero) a si rih. Ka si kho ti lo tiah a Surrender ni lawng hi tei ni le a sungh ni a si te lai. Lungsau a hau ko.

Hlawntlinnak/ teinak lian ngan hmuh khawh nak ding ahcun harsat nak tampi in-tuar hmaisat ahau. Harsatnak kan in-tuar huam i lungdong lo tei hmai kan nawr ahcun a rau ti lai lo teinak kan hmuh zau cang lai.