Kan dawttuk mi hna an thih tikah chikhat te iton than khawhnak ser asi

Kan chungkhar hna chungin siseh kan hawikom hna chung zongin siseh kandawt bikmi hna an thih tikah cun ngaihchia vansangau in kan um cio tawn hna. Voikhat tetal ithon than i kan chimh manhlomi bia hna cu chimh ta kan duh theu tawn lai timi cu a palh theng lailo.

Mah thihnak lakah hin fale thihnak nih a zelhmi nuva hna cungi ngaihchiatnak hicu zeidang nakin asang bik lai tiah an chim tawn. Mah bantuk ngaihchiatnak tonlio canah hin can tlawmpalte chung an hnem khotu ding “Virtual Reality”(VR) thiamnak nihcun an bomh khawh canglai.

VR tiah kan chim tikah cun tuchan mino hna nihcun nan theihcio kolai dah. VR cu computer game celh tikah maw, zukcawl zohtikah maw hman tawn asi. Mah VR thiamnak hmangin kan dawttukmi tleicia hna he kan inuamhlio can hna konglam bialungduh iruahin chikhat te cu iton than nak lam aum cang.

Korea ram ah Munhwa Broadcasting Corporation (MBC) in mithiam hna he ifonh in thla riat chung a tak bantuk thil in kan ruahnak cu kan nunpi khawhnak vawlei cu ser asicang. Mah ka ah arak itelmi nucu Ji-sung timi nu pakhat asii afanu thihnak can zong nih asau rihlo.

Mah nu nihcun mah zohchin nak hmangin VR chungah afanute hecun lente an rak icelh pinah bia zong anrak iruah khawh hi asi. Ji-sung cu VR kuthruk le mitbunh cu bunhter asihnuah afanu he atak bantuk bakin alangmi vawlei deu chungah cun an itonternak cu a hring dihmi khan chungah an record an rak tuah dih. Thingbul phen in arak chuakmi afanu rak tliin arak chonh mi ahmuh tikah cun Ji-sung alawmhtuk ningcang hna cu video chungah hin hmuh khawh asi.

Mah hna nufa hna konglam arak zohtu riantuantu hna cu an mitthli arak tla dih. Virtual World serchuaktu hna nihcun mah hna nufa pahnih hna nih an rak kal tawnnak hmun hna cu anrak telh chih tikah hin Ji-sung nih atak bantuk bakin aruah nak hi asi. VR chungah cu afanu birthday cu nuam ngaiin an hmangti.

Video

 

Leave a Reply

Your email address will not be published.