Kalay Myo Ah Covid Zawtnak Kai Thar Minung 4 An Hmuh Chap Tthan

Vawleicung mipi lungfim lo in akan tuah tu Coronavirus zawtnak cu kan hnung kum December thla dongh lai teah China ram, Wuahan khuapi in aithawk mi zawtnak a si i, tu ahcun thlapa thla riat lengkai bak te vawleicung ah a um cang. Mah chung ah chun minung ting tampi nih zawtnak an ka ii ting tampi an nunnak a liam cang.

Image may contain: one or more people, car and outdoor, text that says '1 REDMI NOTE 8 PRO AI QUAD CAMERA'Hi zawtnak cu tlawmpal a vun i ning deuh tiah daithlang in a um sual mi ram paoh cu ruahlo pi in zawtnak vuk tiah a hung karh tthan lengmang. Kawlram zong tlawmpal a hung reh deuh tiah tang kua le tanghra siangin tiang chikhat te an rak awn nain second Covid-19 a karh than caah siangin an awn mi cu a rak nak in an kharter tthan hna.

Tuni Nov 29.11.2020 ah khan kan Lai mi le mizo kan unau an tam taktak nak Kalaymyo ah Covid-19 zawtnak kai thar minung 4 an hmuh chap hna. Kaleymyo ah Covid-19 zawtnak akarh tuk caah mipi sin tiangin ralrinnak tiah pek chih an si. Mipi sinah aherh tuk lo ahcun kal lo dingin ralrinnak thawng an thanh mi hmun cu Kalay Myo cozah sizungpi khi a si.

Image may contain: one or more people, people standing, car and outdoorA ruang cu Kalay Myo ah Covid-19 damlo mi hna zohkhenh tu Doctor pakhat cu zawtnak akai tiah theih a si. Thinphang khun a si nak cu mah sibawi pa rianttuannak hmun ah hin saya, sayamah pawl hna cu tule tu in duty an ni thlakthleng lengmang caah an thinphang khunnak a si.

Tuni Kalay myo ah covid-19 positive an hmuh chap mi hna cu ChianMitAungsi sang ah pakhat, Pinlung sang 8 nak ah pakhat, Myota sang 9 ah pahnih an dihlak teah minung pali an hmuh chap hna hi a si. Nai hrawng Kalay myo cu nichiar te ti awk in zawtnak kai thar an hmuh chap lengmang caah thinphang taktak an si.

Tuah hin Kaleymyo ah Covid-19 zawtnak nei mi an zohkhenh cuahmah mi hna cu dihlak ah minung 47 an si. Kalaymyo ah Covid-19 zawtnak an hmuh mi dihlak cu minung 148 an si. A herh tuk mi rian hna kan ngeih lem lo ahcun lengchuahvah hman lo kha a him bik. Cun a si khawh ahcun Kalay Myo cozah sizungpi ah khin kal lo kha a him bik fawn.