Ka zoh ah Khin ka celh hrimhrim lo mah hringtu pa le ma ti velh ko cu

Vawleicung ah kan sem khawhnak le niceu dawh te kan hmuh khawhnak a ruang cu a pakhat nak kan Pathian thawngin a sii, a pahnih nak ahcun hringtu kan nule pa thawngin a si. Vawleicung kan nun chung ah kan ca i a sunglawi cem mi cu kan nu le pa hi a si.

Kan nu le pa ruang ah hawi kan lawh khawh nak le tu tiang hawi hnar ngai lo tein kan um khawhnak cu hringtu nu le pa ruangah a si. Mah ruang ah hin kawl miphun le Kala miphun hna khi zumlo tu an si ko nain hringtu nu le pa upat hmaizah a thiam taktak mi miphun an si.

Patling fanu fapa a ngei cang mi hmanh nih hringtu an nu le pa hmai ah khukbil in an biak hna. Mah cutluk in miphun dang nih an hringtu nu le pa an upat/ an ttihzah lio ah Lai mi chung ah fanu fapa cheu khat cu hringtu nu le pa velh ahmang mi tampi kan um tawn.

Tutan kan vun langhter mi hi a khua le an min an langhter duh lo na tein kan hung langhter thiamthiam, a ruang cu a hmanthlak na zoh nak tal hin hringtu nu le pa dawtnak an ngeihter tu si ve hram seh ti ka duh caah kan vun langhter nak a si. Mah ti kan ti tik ah hin fanu, fapa vialte hna nih an nu le pa an daw le an velh ka ti duhnak a si lo.

Hmanthlak ah nahmuh bantuk in hringtu a pa bak cu facang bag a cawi kho na lo cawiter a timh lio le a velhnak hmanthlak cu na hmuh ko lai. Zei bantuk mihrut an va si ko zong ah mah hringtu nu le pa rori mah bantuk i velh duh ko cu ramsa lungthin a keng ngha maw ti khi a ka ruah ter.