Japan ramin arak tlungmi nuva hna sinin corona virus minung 100 leng an kai

Thailand ram Bankok khuapi chungin Don Mueang hmun ahcun Japan ram in arak tlungmi kum upa asicangmi nuva sinah cun coronavirus hmuhchuah asipinah inkhat khuasa timi an tu nghakchia pakhat zong anrak chonh manh cang tiah theih asi. Mah bantuk thil asiruangah hin minung 100 leng hnacu ralringtein zoh peng an sihna tiah theih asi.

An pu nihcun Japan ram arak kalnak kongcu sibawi sinah arak chimlo nain February 23 niah khan amah sinah coronavirus an rak hmuh tikah cun khual arak tlawn nak konglam cu aphuan than hi asi.
Cu hnuah cun amah zohkhenhtu anupi zong cheknak an vantuah tikah cun coronavirus arak ngei ve thiam tiah hmuhchuah asi.

Mah pinah hin a pi le pu hna sinah umpeng tawntu kum 8 minung sianghakchia tanghnih kailiomi zong nih coronavirus arak ichonh manh cang nak zong chek chuah than asi. Mah tikah cun nghakchia pate siangin kainak Don Mueang khua siangin pakhat chungin tanghnih kailio sianghakchia minung 50 hna zong cu ni 14 chung siangin kairihlo dingin chimh an sihlei ah zohkhenh an si hna.

Pitar le putar umnak in ah khuasa mi dihlak hna zong leng chuaklo dingin an chimh hna hnuah an ngandamnak konglam chek piak an silai tiah theih asi. Cun tarnu le tarpa fapa zongcu Bank riantuan asitikah a tuannak Bank zongcu rungrul thahnak sivai an kah dih hnuah cankhat chung khar asirih lai ti asi.

Tarpa ipiahnak sizung ah riantuantu minung 30 hna zongcu thatein zohkhenh an sihna. Coronavirus hrik arak keuh thawkin ni hleili chungcu zawtnak bantuk in arak langh tawnlo tikah valawng cung acitpi hawihna cung zongah thinphang tak khi asi.

Mah konglam he pehtlaiin nizan press confevence an tuahnak ah Thailand Health Minister Anutin Charnvirakul nihcun a khualtlawn nak kong arak chim duhlotu tarpa cu sual arak phawt pinah vanlawng lei nawlngeitu hna zong nih mah chawhmuhnak dinglawng ruatloin ram ngandamnak lei kong ruat ding in acah hna.

Mah pinah hin khualtlawng dingmi hna zong nih abikin Tuluk, Hong Kong, Macau, Taiwan, Singapore, Japan, South Korea, Italy, Iran le America ram kal ding asiah cun ralring khun dingin acah hna. February 26 tiang ah Thailand ram chung ahcun coronavirus zawtnak ngeitu minung 40 an sii adam thanmi zong 24 tiang an sicang tiah theih asi.