Jammu And Kasmir’s Anantnag District Ah India Ralkaap Nih Tapung Mipathum Ah kah Thih Hna

Kan theih dih cio bang in nai hrawng cu vawleicung pumpi akan buaiter dihtu Covid-19 pulrai ruang ah Indiaram rampi zawng lungrethei taktak in an um cuahmah lio pi a si. Cutluk lungrethei i an um cuahmah lio ah China he ramri i cuh ruang ah buainak fak taktak nih a den cuahmah hna.

Mah lawng hmanh silo in June 29.2020 Monday tuzing ah khan Jammu Kashmir’s Anantnag district ah tapung minung pathum hna cu India Security forces nih an kah thih hna tiah theih a si. Nai hrawng Indiaram cu Ccovid-19 nih lungfim lo in atuah cuahmah hna lio ah China buainak nih le daih lei panh kho hlei lo.

Cu tluk lungrethei i an um cuahmah lio ahcun Jammu Kashmir’s hrawng ah tapung nih kahdohnak anrak chuahter lengmang fawn.Tuni June 29.2020 zingka ah Jammu and Kashmir’s Police report ning ahcun Anantnag district leiah tapung zei maw zah nih kahdohnak an chuahter ruang ah India Security forces hna nih minung pathum thilak in an kah hna.

Khulchohar area of the south Kashmir’s district leiah tapung an um tihmi thawngpang an thei ruang ah Security forec nih operation an ngeii, cu an ngeihnak ahcun tapung kut ah Ak-47 assault rifle 2 le pistols 2 an tlaih hna. June 26.2020 ah khan Chewa Ullar, Tral of the Union Territory’s Pulwama district leiah tapung minung pathum an rak kah thih cang.

Nai hrawng India ram cu buainak lawng tein akhat dih ti usihlaw kan palh lem lai lo dah! A ruang cu Covid-19 pulrai nih le akarh chin lengmang, China buainak nih daih lei a panh kho hlei lo. Cu hlei ah tapung nih le khat lei ah buainak anrak chuahter peng fawn. Mah lawng hmanh silo in Khaubawk ttihnung taktak mi raal nih le hna hnawhnak arak pek cuahmah lungrethei taktak khi an si.