Iran ram nihcun missile tampi arak chiahnak thlithup missile hna khuapi cu arak pholangh

Concrete indot dot nga nak tangah missile za tampi hna le fuel a khatin a thuncia mi rocket hna umnak Iran vawlei tang missile khuapi hmanthlak hna cu Iran Tansim thawngthanh nihcun arak langhter. Mah pinah hin Irag ah um Ain al-Assad cunglei ralkap sakhan le Kazarstan ah Erbil vanlawng tumnak tual hna cu missile 15 nih arak kah nain pahnih tucu ram chungah arak tla tiah Tansim thawngthanh nak nihcun arak langhter.

Iran missile sakhan hna cu ram tampi ah an um hna i tlang tang pe 1640 in a thuknak khur chung zongah chiah asinak konglam cu Islamic Revolutionary Guards Corps (IRGC) ah Brig. General Amir Ali Hajizadeh nihcun arak chim. A rak liamcia mi kum ruk lio zongah khan Islamic Revolutionary Guards Corps nihcun vawlei tang ah missile khuapi pathum tiang arak sak tiah achim pahin rocket le medium-range ballistic missile hna serchuah nak khur zong arak langhter bal cang.

IRGC lutlai pakhat asimi Brig. General Qassim cu America nih arak thah tikah cun Iran le America karlak ahcun ihmuh thiamlo nak tampi arak chuak tikah cun middle east ram hna lakah ral arak tho sual lai maw tiah thinphan nak arak chuak. A liamcia can lioah ballistic missile hmangin kahnak arak chuah hnuah Iran ralkap lutlai hna nihcun America ralkap sakhan dihlak hna cu tsunami in kan hrawh dih lai tiah an rak ihrocer.

Mah pinah hin ramchung TV nihcun Iran ah cun milu ting 80 kan um i mah ting 80 zohchunh in American President Donald Trump lu lakhotu poh cu dollar ting 80 laksawng pek asi lai tiah arak thanh. Islamic Revolutionary Guards Corps nihcun vawlei tang ah missile khuapi pathum tiang arak sak tiah achim pahin rocket le medium-range ballistic missile hna serchuah nak khur zong arak langhter bal cang.