Iran cungah America nih sipuazi phihkharnak atuahmi nih hin can saupi chung anguhkholailo tiah Rouhani nih achim

America nih Iran cungah sipuazi hmangin phihkharnak atuahmi nih hin saupi anguhkholailo kholailo tiah Iran President Hassan Rouhani nih achim. Mah pinah hin ramkip hnacu Islamic Iran he pehtlaihnak tha rawklo dingin azuam cuahmah tiah achim chap.

Islamic ram hna chungin hruaitu hna ihmuhtonnak Malaysia ram Kualalampur ah akal hlan cawn nihnih ni zinglei ah khan Tehran khuapi ah Hassan Rouhani nih achim hi asi. Kualalampur khuapi ah hruaitu ngan hna tonpumhnak hi ramchung le ramdang hna konglam ah remdaihnak a umkhawhnak ngha vawleicung ramkip hruaitu hna hrangah atha tukmi cantha asi tiah achim.

“Khatlei veve ton biaruahnak lawng nih hin ramchung harnak remhthan khawhnak dingah pakhat telawng ummi lam asi tiah ka ruah” tiah Rouhani nihcun achim. December 18 -21 tiang raudingmi Kualalampur tonpumhnak ah cun vawleicung ram 52 chungin ramkhel minung 250 telhin minthang minung 400 hna an kailai tiah theih asi.

Mah tonpumhnak hmunah akaimi hna nihcun Islamic ram hna le muslim vawlei konglam hrampi hnacu abikin caihhmai asilai tiah theih asi. Iran President Hassan Rousani cu Malaysia tonpumhnak akal dihin hin Japan ramah Japan Prime Minister Shinzo Abe he tonnak an ngeilai tiah theih asi.

American le Iran an ni ngiar nak caan a sau ngai cang Trump acekne tiang in an virhkhawih dih cang i aisum khawh lo sual ah cun Iran cu aicai taktak te ko lai. Iran te pawl nihcun America hi cu teiawk nih le an ttha fawn lo ngerhte nih Vuipi a va co bantuk khi men khi an si.