Iran Cu Asual Ruangah Lukiak In Cawile Liam Nih Tlun Dawh Asi Cang

Minung 176 nih an icitmi Ukrain vanlawng pakhat cu Iran nih missile hmangin akahmi asi tiah an chim mi bia cu a hmanlo mi asi tiah Iran lei nihcun January 10 ni ah khan fianternak arak tuah. Hmah sehlaw thilsual tuah hi cu caansau an ni thup kho rua lo, Iran nih tuni Saturday ah ka kah sualmi a si tiah a chim phuan.

Mah vanlawng cungah acittu minung 176 hna an dihlakin an thi dih. Mah caah cun Ukrain nih tuni ah Iran cu naka liamh dih lai tiah a ti. Mah lawng hmanh silo in Iran nih Ukraine vanlawng cung aicit i, athi mi vialte an luu man zawng liamh dih dingin a hal fawn.

Tuan deuh ah khan cun mah vanlawng cu missile hmangin kah sualnak evidence zong hmuh asi tiah Canada le British lei nihcun an rak thanh. Mah bantukin British le Canada nih thanhnak atuah hnu arauh hlanah Iran nihcun lehnak arak tuah colh ve i ka silo tiah aipheh.

Iran nih ka silo tiah aipheh ko nain thilsual tuah hrat cu a chunglei in nawrtu a ngei rua, tuni ah aipheh kho ti lo i, ka kahsualmi a si tiah a chim phuan. Mah le cangka in Ukraine nih cun sunghzatlaknak kan tawnmi vialte nakan liam dihlai tiah anti cawlh ve.

Mah bantuk thilsual atuahtu minung hna cu Iran nih taza acuai hrim hrim ka zumh tiah Ukrainian president Vladimir Mzinskyky nih cun a facebook cahmai ah arak ttial. Mah lawng hmanh silo in athimi vialte an luu man zawng liam dih dingin anawl chih fawn.

Mah vanlawng cu missile nih arak kheng lo hrim hrim” tiah Iran civli lei airlines nawl ngeitu pakhat asimi Ali nihcun arak chim. A liamcia January 8 lioah Iran nih American ralkap sakhan missile hmangin arak kah hnu can tlawm pal chungah Mah Ukrain vanlawng Boeing 737 akah hi a si.